Classificatzione de Baltimore

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Ischema de sa classificatzione de Baltimore

Sa classificatzione de Baltimore est una classificatzione de is virus elaborada dae su biòlogu istadunidense David Baltimore. In custu sistema de classificatzione is virus sunt atropados in grupos dipendende de sa casta de genoma (ADN, ARN, monocatenàriu o bicatenàriu) e in su mètodu suo de replicatzione. Classificare is virus segundu su genoma suo ìmplicat chi is chi s'agatant incuadrados in sa matessi categoria s'ant a cumportare in sustàntzia a sa matessi manera, cosa chi faghet is chircas prus discansosas.

In die de oe custa classificatzione cunvivet e si cumplementat cun sa classificatzione de su Comitadu Internatzionale de Tassonomia de is Virus (ICTV). Nointames, a diferèntzia de sa classificatzione de s'ICTV chi òrdinat is virus de manera monofilètica, sa classificatzione de Baltimore est polifilètica ca is genomas de is grupos diferentes de virus ant isvilupadu de manera cunvergente, cun totu ca is virus apant tentu orìgines indipendentes.

Classificatzione

Custu tipu di classificatzione permitet, francu su seberu de su virus pro is caraterìsticas genèticas pròpias, de nde identificare su mètodu e is bias de replicatzione.

• Classe I: Virus a ADN a filamentu dòpiu (Virus a dsADN)
• Classe II: Virus a ADN a filamentu solu (Virus a ssADN)
• Classe III: Virus a ARN a filamentu dòpiu (Virus a dsARN)
• Classe IV: Virus a RNA a filamentu solu e sentidu positivu (Virus a dsARN+)
• Classe V: Virus a ARN a filamentu solu e sentidu negativu (Virus a ssARN-)
• Classe VI: Virus a ARN a filamentu solu e sentidu positivu cun intermèdiu a ADN (Retrovirus a ssARN)
• Classe VII: Virus a ADN a filamentu dòpiu cun intermèdiu a ARN (Retrovirus a dsADN)

Ischema de sa replicatzione de is virus segundu sa classificatzione de Baltimore