SOCAR yerli sığorta bazarında broker kimi fəaliyyət göstərəcək
SOCAR yerli sığorta bazarında broker kimi fəaliyyət göstərəcək
Azərbaycan Mərkəzi Bankı (AMB) daha bir şirkəti xarici sığorta brokerlərinin reyestrinə daxil edib.
AMB-nin internet səhifəsində - reyestrdə yerləşdirilmiş məlumata əsasən, bu, Dövlət Neft Şirkətinin (SOCAR) 2022-ci ildə Türkiyədə təsis etdiyi “SOCAR Sigorta ve Reasürans Brokerliği” Anonim Şirkətidir.
Baş ofisi Türkiyənin İstanbul şəhərində - SOCAR-a məxsus iş mərkəzində (“SOCAR Plaza”) yerləşən şirkət Azərbaycanın sığorta bazarına aprelin 24-də daxil olub. Başqa sözlə, SOCAR bundan sonra yerli sığorta bazarında broker kimi fəaliyyət göstərəcək. Bununla da, AMB-nin reyestrinə daxil etdiyi xarici brokerlərin sayı 87-yə yüksəlib.
Buna qədər də SOCAR yerli sığorta bazarında təmsil olunub. Məsələn, “Atəşgah Sığorta” şirkətinin səhmlərinin 10%-i SOCAR-a məxsusdur.
Maliyyə
-
Azərbaycan Əmanətlərin Sığortalanması Fondu (ADIF) ləğv prosesində olan “Günaybank”ın əmanətçilərinə xəbərdarlıq edib.
-
İndiyə qədər ödəniş xidməti göstərən 20-dən çox şirkət lisenziya almaq üçün Azərbaycan Mərkəzi Bankına (AMB) müraciət edib.
-
2024-cü ilin I rübündə Azərbaycanda internet və mobil bankçılıqla bağlı əməliyyatlarının ümumi dəyəri müvafiq olaraq 59 milyard manat və 15 milyard manat təşkil edib.
-
Bu gün Bakıda “Azərbaycan Banklar Assosiasiyası”nın təşkilatçılığı ilə növbəti maliyyə texnologiyaları sammiti (“Fintex Sammit-2024”) işə başlayıb.
Rəy yaz