Hamjamiyat qoidalari
TikTokni xavfsiz, inkluziv va hamma uchun samimiy boʻlishiga yordam berish uchun Hamjamiyat qoidalarini 2024-yil 10-aprelda yangiladik. Yangi Hamjamiyat qoidalari bilan bu yerda tanishing.
Umumiy
Oxirgi yangilangan: 2023-yil, mart
Missiyamiz – ijodkorlikni ilhomlantirish va quvonch keltirishdir. Biz ijodiy ifodalashni dastaklash hamda barcha joyda hordiq chiqarish va boyitish manbasi boʻlish orqali inson tasavvurini ochishga intilamiz. Turli gʻoyalar, ijodkorlar va mahsulotlar bilan tanishish hamda hamjamiyatimizdagi boshqalar bilan bogʻlanish uchun butun dunyodan TikTokka kiradigan odamlarni quchoq ochib kutib olamiz.
Xavfsiz, ishonchli va yorqin taassurotni taʼminlashga yordam berish uchun biz TikTokdan foydalanish uchun qoidalar va standartlarni oʻz ichiga olgan Hamjamiyat qoidalarini ishlab chiqdik. Qoidalar platformamizdagi barchaga va hamma narsaga nisbatan tatbiq qilinadi. Ular xalqaro huquq doirasi, sohaning ilgʻor tajribalari hamda hamjamiyatimiz, xavfsizlik va sog‘liqni saqlash bo‘yicha ekspertlar hamda mintaqaviy Maslahat kengashlarining fikrlariga tayanadi. Biz ularni yangi xatti-harakatlar natijasida yuzaga kelishi mumkin boʻlgan xavf va ehtimoliy zararlarni bartaraf etish uchun rivojlantiramiz.
Kontent moderatsiyasiga yondashuvimiz toʻrtta ustunga asoslanadi:
- Platformadan qoidalarimizni buzadigan buzgʻunchi kontentni olib tashlash
- Kattalarga moʻljallangan kontentni faqat voyaga yetganlar (18 yosh va undan katta) koʻrishi uchun uni yosh asosida cheklash
- Tavsiya tizimimiz tomonidan tanitilishi mumkin boʻlgan istalgan kontent keng auditoriyaga mos kelishini taʼminlash uchun Siz uchun tasmasi (FYF) muvofiqlik standartlarini ishlab chiqish
- Hamjamiyatimizni axborot, vosita va resurslar bilan boyitish
Qoidalarimiz mavzusi boʻyicha va har bir qoida qalin shrift bilan tartiblangan. Har bir boʻlim ostiga qoʻshimcha axborot olish uchun bosishingiz mumkin, u yerda nima ruxsat berilgani haqidagi umumiy savollarga tavsiflar, muayyan namunalar va tushuntirishlarni topishingiz mumkin. Unutmang, namunalar hammasini qamrab olmaydi (“jumladan, lekin bular bilan cheklanmagan holda” jumlasini takroran oʻqishingizga toʻgʻri kelmasligi uchun buni oldindan taʼkidlayapmiz).
Agar nimani ulashishga ikkilansangiz, ushbu asosiy qadriyatni unutmang – “mehribon boʻling va boshqalar sizga qanday munosabatda boʻlishini xohlasangiz, ularga shunday munosabatda boʻling”. TikTokni barcha uchun samimiy hudud qilishdagi yordamingiz uchun rahmat!
Batafsil
Hamjamiyatimiz xavfsiz va joʻshqin boʻlishi uchun ifodalash imkonini berish va zararning oldini olish oʻrtasida toʻgʻri muvozanatni topish kerak. Buni biz tatbiq qiladigan qoida va standartlarni ishlab chiqishdan tortib, hamjamiyat aʼzolarimizga koʻproq vakolat va tanlov imkonini beradigan platforma normalari va resurslarini yaratishgacha xavfsizlik choralari birlashmasi orqali amalga oshiramiz.
- Buzgʻunchi kontentni olib tashlash. BarchaTikTokka platformamizda kontentni erkin ulashish imkoniyati bilan qoʻshiladi. Lekin bizda taqiqlangan zararli kontentga oid qoidalar mavjud. Biz qoidalarimizni buzadigan ommaviy joylangan yoki maxfiy boʻlishidan qatʼi nazar istalgan kontentni olib tashlashga intilamiz. Qoidalarimizga amal qilinishini taʼminlash uchun qattiq ishlasak ham, biz TikTokdagi barcha ulashilgan kontent Xizmat shartlari yoki Hamjamiyat qoidalariga mos kelishiga kafolat bera olmaymiz. Agar kimdir jiddiy yoki takroriy qoidabuzarliklar sodir etsa, biz ushbu hisobni ham bloklaymiz. Hisob darajasidagi majburiy choralarni bu yerda topish mumkin.
- Kattalarga moʻljallangan kontentni yosh asosida cheklash. TikTokda ulashiladigan kontentlar doirasi juda katta, bu esa taassurotning boy xilma-xilligini oshiradi. Lekin ularning hammasi ham yosh auditoriya uchun mos kelmasligi mumkin. Biz oshkora kattalarga moʻljallangan kontentni faqat 18 va undan katta yoshdagi voyaga yetganlar koʻrishi uchun cheklaymiz. Yosh asosida cheklangan kontent xulosasini bu yerda topish mumkin.
- Siz uchun tasmasi (FYF) muvofiqlik standartlarini ishlab chiqish. Siz uchun tasmasi tomoshabinlarga yangi kontentni kashf qilish va ijodkorlarga yangi auditoriyalarni jalb qilish imkoniyatini taklif qiladi. Lekin tavsiya tizimimiz tomonidan tanitilishiga kafolat berilmaydi. Keng auditoriyaga mos kelmaydigan kontent Siz uchun tasmasiga nomuvofiq boʻladi. Bu standartlar xulosasini bu yerda topish mumkin.
- Hamjamiyatimizni boyitish. TikTokdagi taassurotingizni boshqarishingizga yordam beradigan toʻgʻri axborotlarga ega ekaningizga ishonch hosil qilishni istaymiz. Muayyan kontentlarga koʻproq kontekst yoki eslatma taqdim etish uchun yorliqlar, “rozilik bildirish” ekranlari yoki eslatmalarni qoʻshamiz. Xavfsizlik vositalari majmuamiz sizga koʻrishni istamagan har qanday kontentni muayyan heshteglar yoki fikrlar bilan filtrlash imkonini beradi. Biz hisobi nazorati va xavfsizlik resurslariga ega ilova ichidagi funksiyalarni ham taklif qilamiz.