Kari mars kalo tile 24 san 2024, Senegali jamanaden millions 7 ni kɔ
welelen don wote la walasa k’u ka jamanakuntigi 5nan sugandi.
Wote in kɛra bɛn ni hɛrɛ kɔnɔ Senegali marabolo 46 bɛɛ la, wa
jamanadenw bɔra ka caya fana ka taa wote, kɔlɔsili ye min jira. N'a
mana bɔ Daouda Ndiaye la, cɛbɔ 19 cɛma, ye jalakiw kɛ wote in sen fɛ
a wotera yɔrɔ min na, n'o ye Pikine kin ye Dakar. A ka fɔ la, a ka
wotesɛbɛn tun bɛ fɔ duguma wotekɛyɔrɔ la Pikine, n'o kɛra sababuye
wote jɔra yen waati nin kɔnɔ. Pikine marabolo prefet nana ka kɔw
labɛn, o kɔfɛ, wote daminɛna kokura.
Cɛbɔ 19 fanba ye wote kɛ nɛgɛ kaɲɛ 11 waati la. Marabagaw ka cɛbɔ,
Amadu Ba, fangasina ka cɛbɔw i na fɔ Khalifa Sall, Bassirou Diomaye
Faye, Idrissa Seck n'a ɲɔgɔnna caman, u wotelen kɔfɛ kunnafonidilaw
kɛmɛw ɲɛna, u nisɔndiyara wote taabolo ɲuman na hɛrɛ nin bɛn kɔnɔ.
Wa u kelen-kelen bɛɛ ye wele bila jamanadenw ma u k’u yɛrɛ minɛ,
ka wote hɛrɛ la.
Forum