Kuliviki kuhlelo Woza Friday sileqembu lomculo we House Music elizibiza ngegama lokuthi MaBooster Crew, lona licula lise Victoria Falls. UEzra Tshisa Sibanda uxoxa lo Israel Mpofu abambiza JahSun onguye okhokhela leliqembu.
Iqembu leli lidla amalangabi e Victoria Falls, abantu abanengi bathanda umculo walo, yekela sizwe imbali yalo ngamafitshane.
"Yimi u Jasani sezoba lo Kisto sekuzoba lo King Ontsho sekuzoba lo Ras Fantan sekuzoba lo Jalet then owesi 6 ngu DJ wethu esihamba laye nxa sisiyatshaya amashows uDJ Diba. I Mabooser crew yabunjwa ngo 2011 ko Bulawayo lapha engahlangana khona lo producer abathi ngu DJ Furygun. Umculo wami mina was inspired by uDJ TPZ."
Pho igama elithi MaBooster Crew labuya njani njalo lisitshoni Jahsun. "I idea le ysvela ekuthini , sithe sesiqalisile umculo wethu sesidonsile nje sabesibona ukuthi umculo wethu abantu bayawuthakazelela endaweni ezitshyeneyo endaweni ezinengi. So sabe sisithi ahh kutshukuthi umusic wethu ugcwele indawo yonke njengama booster enetwork so ibizo yikho elahle laqalisela khona kwahle kwathiwa yi Mabooster yiMabooster."
Umdumo wabo wehlukene leminye yaabaculi base Zimbabwe, owenu uthiwa yini?. "Umculo wethu thina sawuthi yidream base music why because sabona ukuthi umculo wethu u unique so kungcono siwunike ibizo esilibona lifanele. Umculo wethu kodwa thina uhambelana le house music eye South Africa. Silamadlalade afika 4."
AmaBooster Musical Crew
Abalaleli abafuna ukuthola umculo wenu kumbe ukulilandela bangalithola nga. "Umculo wethu thina ku Social media siyatholakala ku Youtube, silatholakala ku Youtube at Mabooster crew. Kuyatholakala ama videos ethu lama Single tracks ethu khonalapho ku Youtube. Ungathi Mabooster crew uyasithola even ku Facebook even ku Whatsapp uyasithola."
IMaBooster liqembu elicula ezingeni eliphezulu lise Victoria Falls, besikwejise lalo kuhlelo Woza Friday limelwe ngu Israel Mpofu owazakala ngokuthi ngu Jahsun.
Forum