Umculi uAyoba Uthi Twalumba Ngengoma Zakhe Zomdumo WePansula

Kuliviki kuhlelo Woza Friday silomculi womdumo we Pansula uHarrison Masuku odume ngegama lakhe kwezomculo elithi Ayoba Tila Chizule. Udabuka eBinga ecula eseVictoria Falls.

Umfoka Masuku sekhathazile kwezomculo kwele Victoria Falls, bayamthanda okwamagama, yekela sizwe imbali yakhe ngamafitshane.

"Ngazalelwa endaweni yase Victoria Falls ngomnyaka ka 1986. Ngingumculi iqembu lami kuthiwa Ayoba Tilachizule ukuthi Tilachizule libala lesiTonga, ngesiNdebele siyabesisithi "Thela Sigcwale".

Umculo wakhe bayawuthakazelele abantu abanengi ikakhulu abahlali be Folosi. Pho uthiwani lumculo Ayoba?

"Umculo wami kuthiwa yi Pansula music, kulamadlalede ayi seven, oculayo lobhalayo ngu Harrison Masuku."

UAyoba kukhona abanye abaculi abamenza wathanda ukucula umdumo lo.

" Ngangijabulela kakhulu ngoma zika Thaso ngisesemncane so yinto eyenza lami ukuthi ngiqalise ukuhlabela. So abantu engihlabela labo imusic lo owe pansula ngomunye okuthiwa ngu Ronny, abagidayo ngu Angela lo Avit lo Yolanda yibo abantu abagidayo."

Umculo ka Ayoba Tilachizule uyatholakala kuma digital platforms lakubo Facebook.

"Laku YouTube Ayoba Tilachizule laku WhatsApp siyakunika futhi siyabambeka enambeni zika 0780589257 yizo inunber lapho esibambeka khona ngiyabonga msakazi."

Maviki wonke kuloluhlelo sixoxa labaculi be Zimbabwe abavela endaweni ezitshineyo, kanti namhla besikwejise lo Harrison Masuku uAyoba Tilachizule odabuka ematongeni kuhlelo Woza Friday.