Ibandla leNational African Congress eleSouth Africa izolo lithethe isinqumo sokumisa okwesikhatshana owayengumongameli walelolizwe uMnu. Jacob Zuma ukuba lilunga lalelibandla kulandela isaziso sakhe esokuthi usekhankasela ibandla elitsha elibizwa ngokuthi uMkhonto weSizwe.
Ibandla leANC likhangelelwe ukuthatha amanyathelo athize, agoqela elokumhlalisa ku disciplinary committee andubana lithathe isinqumo sokuthi lingamxotsha ebandleni.
Embikweni obulamagama aqatha owethulwe izolo, i-ANC isole uMnu. Zuma, njalo yafananisa ibandla le uMkhonto Wesizwe leleRenamo leUnita isithi kafuni inkululeko njalo yaxwayisa izizalwane zeSouth Africa ukuthi zingavoteli i-MK.
Ingcwethi ecubungula ezombusazwe uMnu. Zenzo Nkomo uthi inyathelo leli belivele lilindelwe ngoba isisekelo sebandla leANC sivumela amalunga ukuthi abekubandla leSouth African Communist Party kumbe inhlanganiso yezisebenzi eye COSATU kuphela.
UMnu. Nkomo uthi ibandla le uMkhonto Wesizwe lingathwalisa nzima eleANC kukhetho.
Forum