BCC: Sithembe Amanzi Azaphuma Edamu leGlassblock Ngoba Uhlelo lweMatabeleland Zambezi Water Project Lusesekude

Osaphethe isikhundla sokuba ngumongameli welizwe uMnu. Kembo Mohadi oyisiphathamandla sebandla leZANU PF uthi uhlupho lokusilela kwamanzi luzaphela du edolobheni lakoBulawayo kungakafiki umnyaka ka 2030 ngoba uhlelo lweMatabeleland Zambezi Water Project solusemaphethelweni.

Usanda ukukhuluma amazwi la embuthanweni wokukhankasela uMnu. Joseph Tshuma webandla leZANU PF, oncintisa kukhetho lokudinga ozamela iPhelandaba-Tshabalala edale lephalamende ngoMgqibelo ozayo.

Kodwa umsekeli kasodolobho wakoBulawayo uMnu. Edwin Ndlovu uthi ithemba labo likuhlelo lokwakhiwa idamu i-Glassblock eInsiza njalo kulenkampani esivumile ukusungula loluhlelo oluzathatha isikhathi esifitshane.

Uthi bazibonela ngawabo njengamakhansila ukuthi uhlelo lweMatabeleland Zambezi Water Project lulengxaki ezithile njalo aluphutshi lamuhla.

Uhulumende uphakathi kokugebha izibholane edolobheni lakoBulawayo ngohlelo lwePresidential Borehole Scheme njalo ibandla leZANU PF lisola amakhansili ngokungenelisi ukulethela abantu amanzi eneleyo.

Kodwa uMnu. Ndlovu uthi ukusomlandu wekhansili ukuthi ilethele abantu amanzi ngoba umthetho kahulumende uthi amanzi kufanele avelele kugatsha lweZINWA.

Wengeze wathi amanzi ezibholane yi “non-revenue water” njalo abalamandla okufakazela izakhamizi ukuti ahlanzeke okunganani futhi awaletheli idolobho inzuzo.

Embed share

Ingxoxo loMnu. Edwin Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:19 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala