EleIsrael lithi selingena kusigaba esitsha esempi yalo leHamas eGaza.
Lazise ngoMvulo ukuthi lizakwehlisa inani lamasotsha eGaza njalo seliqala ukuhlasela indawo ezithize ezicatshangelwa ukuthi zisetshenziswa yiHamas.
Impi le esingena kunyanga yesine isibulalise abantu abanengi njalo yatshiya abanye abafika izigidi ezimbili - 2 million bengasela mizi eGaza.
Umphathintambo wezomvikela kwele iIsrael wazise intathelizindaba ukuthi abantu bakulelolizwe ababesuswe endaweni eziseduze lesihlengeni seGaza kulandela ukuhlasela kweHamas sebezaqala ukubuyela emizini yabo.
Ibutho leHamas liphosele amabhomba kwele Israel ngoMvulo loba kungela mibiko yokuthi kulabalimeleyo kumbe indawo ezibhidliziweyo.
Exoxa leStudio7 uMnu. Rejoice Ngwenya ingcwethi yezombusazwe njalo esebenza lenhlanganiso yeCoalition for Market and Liberal Solutions ukhuthaze eleMelika ukuthi ingenele imise limpi.
Forum