I-Israel Ikhuthazwa Ukuthi Ivikele Uzulu eGaza

Umphathintambo wohlangothi lweMelika olubona ngokudlelana lamanye amazwe uMnu. Antony Blinken usekhuthaze umkhokheli kahulumende we-Israel uMnu. Benjamin Netanyahu ukuthi amise ukuhlukuluzwa kwabantukazana eGaza.

Ukhulume lokhu ngoLwesibili eseTel Aviv lapho abexoxa khona lenkokheli yakwele Israel ngempi yelizwe leli leHamas.

Ekhuluma emhlanganweni awenze lomongameli we-Israel uMnu. Isaac Herzog, uBlinken uthe uzathola ithuba lokuhlangana lemuli zabanye ababethunjwe yiHamas eGaza, kanye lokutshela abakhokheli be-Israel ngengxoxo abe layo labanye abakhokheli bakulumhlubulo ngesikhathi ekwele Turkey, Greece, Jordan, Qatar, United Arab Emirates leSaudi Arabia.

UHerzog ubonge iMelika ngokuma le-Israel njalo uthe ilizwe lakhe alivumi icala eliphanyekwe emthethwandaba we-International Court of Justice elokuthi i-Israel yenza umbhuqazwe wama Phalestina eGaza esithi lokhu kungamanga aluhlaza tshoko.

Amazwe atshiyeneyo aqhubekela phambili ekhuthaza ukuvikelwa kwabantukazana eGaza kanye lokuphathiswa kwabo ngokudla, amanzi, imithi lokunye okudingakalayo.

Exoxa leStudio7 uMnu. Mbuso Fuzwayo, omela amalungelo oluntu ephansi kwenhlanganiso ye-Ibhetshu Likazulu uthi akulampi eqedwa ngezikhali.

Embed share

Ingxoxo loMnu Mbuso Fuzwayo.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:58 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala