Ugatsha lukahulumende olubona ngezamanani olweZimbabwe National Statistics Agency (ZimStat), luthi ukugugudeka komnotho welizwe, (inflation), kukhwelile kwaya kusilinganiso samatshumi amahlanu lanhlanu ekhulwini, 55.3 percent kulinyanga isuka kumatshumi phose amahlanu, 47.6 percent ngoNhlolanja.
Kumbiko ewethule ngoLwesithathu, ngokubika kweBloomberg, iZimStat ithe okubangele lokhu yikukhuphuka kwentengo yezinto, imithelo kanye lembhadalo yokuhlala.
Yazise njalo ukuthi intengo yezinto yehlile kancane ngesilinganiso phose sokuhlanu ekhulwini, 4.9 percent kulinyanga isuka kusilinganiso sokuhlanu lane, 5.4 percent ngenyanga edluleyo.
Kungelani lamanani ethulwe yiZimStat, ingcwethi kwezenotho edumileyo kweleMelika uMnu Steve Hanke uthi i-inflation yeZimbabwe isifike ku-1,500 percent.
Imali yeZimbabwe iqhubeka ilahlekelwa luhlonzi emkambo wensitha lapho idola leMelika elilodwa elithengwa khona ngenkulungwane zamadola eZimbabwe angamakhulu amane, 40,000, okuyisilinganiso esisetshenziswa ngamabhizimusi lanxa uhulumende esithi kumele asebenzise isilinganiso se-1:21,000.
Forum