Idale leNomination Court ngoLwesibili belihlolisasa amagama abazancintisa kukhetho lwama by-elections oluzaqhutshwa kunsukwana ezilandelayo eMount Pleasant leHarare East kulandela ukusuka kudale lephalamende okwenziwa nguNkosazana Fadzayi Mahere loMnu. Rusty Markham.
Ababili laba bathi benza lokhu ngoba umkhokheli wabo uMnu. Nelson Chamisa wayesesukile kubandla leCitizens Coalition for Change athi lahluthunwa nguMongameli Emmerson Mnangagwa lebandla leZanu PF.
Ababili laba kabancintisi kukhetho lolu. Abazabanga izikhundla lezi bayisikhombisa. Ababili ngabebandla leZanu PF kuthi abanye ngabamele ibandla lecele leCCC elikhokhelwa nguMnu. Jameson Timba.
Oyedwa ukubandla leChangu Chimuti Chakapinda Chapinda kumbe CCC. Omunye ozimeleyo lokhu elungisa amaphepha akhe.
Ikhomithi ebona ngezokhetho eyeZimbabwe Electoral Commission lokhu isahlela amagama aphanyekwa ngabazancintisa kukhetho lolu.
Forum