Abakunhlanganiso yeZimbabwe Community in South Africa bathi umdeni kaSifelani Ngwenya odabuka esigabeni senduna uNtabeni eLower Gweru okade ucela usizo lwemali efika inkulungwane eziyisikhombisa zama rands – R7,000 eyokumthwalela esibhedlela ekhaya, kasekho.
Bathi usanda kubhubha esibhedlela eJohannesburg lapho abegcinwe khona engelatshwa ngenxa yokuswela amaphepha okuhlala kwele South Africa. Izibhedlela kazisemukeli izigulane ezidabuka kwamanye amazwe ezikwele South Africa okungekho emthethweni.
Sehlulekile ukukhuluma leziphathamandla zikahulumende ezempilakahle ebezingaphenduli omakhalekhukhwini.
UMnu. Bongani Mkhwanazi okunhlanganiso yeZimbabwe Community in South Africa uthi banengi abadabuka eZimbabwe abangatholi uncedo ezibhedlela ngenxa yokuswela amaphepha okuhlala kulelolizwe.
Kusanda kwalelwa odabuka eZimbabwe uGogo Lilian Chapoterera odabuka eChitungwiza olesifo semvukuzane obekumele eletshwa umkhuhlane lo eJohanneburg.
Wehlulele lokudinga imali efika amakhulu amathathu lengxenye amarands – R354 yokwelatshwa ngoba engelaphaphepha aqondileyo okuhlala kwele South Africa.
Forum