Umkhokheli wenhlanganiso yabembi eyeZimbabwe Miners Federation uHenrietta Rushwaya umiswe enkantolo ngoLwesithathu esetheswa icala lokutshotshela usomabhizimusi waseIndia imali engena kusigidi samadola eMelika, US$1 million.
URushwaya, oyisihlobo sikaMongameli Emmerson Mnangagwa, ukhululwe ngemva kokuvunyelwa ngumantshi uStanford Mambanje ukuhlawula imali yesibambiso, i-bail, engamakhulu amahlanu amadola, US$500.
Abatshutshisi batshele inkundla ukuthi uRushwaya watshontshela usomabhizimusi lo ngokumthengisela indawo ayesithi ilegolide esigabeni seUpfurudzi, eMashonaland Central, kodwa wasejikisa esithi kwakungela golide kuleyondawo.
Uzaphenduka emthethwandaba mhlaka 10 ngenyanga ezayo.
URushwaya uke wabotshwa eminyakeni edluleyo esetheswa icala lokuzama ukuphuma elizweni ngudlu legolide elalilesisindo se-6kg esiya eDubai njalo udliwe licala nyakenye wahlawuliswa ifayindi yenkulungwane ezinhlanu zamadola, US$5000.
Uthinteke njalo kudaba lokutshontshwa kwenotho yeZimbabwe egoqela igolide kufilimu ethulwe ngumsakazo weAl-Jazeera, okulicala alilandulayo.
Forum