FAQs

La glista da FAQS qua sutvartAs gida da chapir la reclama online basada sin il cumportament.

• Tge è reclama online basada sin il cumportament?
• Co funcziuna la reclama online basada sin il cumportament?
• Tge datas vegnan utilisadas?
• Tgenins èn ils avantatgs da la reclama online basada sin il cumportament?
• Smanatscha la reclama online basada sin il cumportament mia sfera privata?
• Tge èn ‘datas persunalas’ e vegnan quellas utilisadas per la reclama online basada sin il cumportament?
• Tge poss jau far, sche jau na vi betg survegnirtalas reclamas?
• Signifitga lareclama online basada sin il cumportament che jau vegn a survegnir dapli reclama?
• Renda la reclama online basada sin il cumportamentmain agreabel mes temp en l’internet?
• Vegnan telechargiads programs sin mes computer?




• Tge è in ‘cookie’ e co vegn quel utilisà?
• Poss jau bloccar in cookie?
• Stoss jau deactivar la reclama online basada sin il cumportament, sche jau dovr in auter computer al plaz da lavur?
• Ma protegia il scumond da reclama online basada sin il cumportament da spam e da pop-ups?
• Stoss jau far insatge?

Tge è reclama online basada sin il cumportament?

Sut reclama online basada sin il cumportament chapesch’ins la relevaziun dad infurmaziuns davart Vossa activitad da navigar cun la finamira da pudair attribuir Vus ensemen cun auters utilisaders a gruppas d’interess per pudair furnir a Vus reclamas che sa basan sin Voss interess.

La reclama online basada sin il cumportament sa differenziescha dad autras furmas da reclama online sco p.ex. la reclama contextuala reclama contextualache sa basa sin Vossas activitads online actualas (inclus dumondas da tschertga u paginas-web visitadas).

Co funcziuna la reclama online basada sin il cumportament?

I dat differentas pussaivladads da far reclama online basada sin il cumportament. Da princip vegnan ramassadas infurmaziuns davart Vossa activitad da navigar – e quella da millis d’auters utilisaders. Questas infurmaziuns vegnan attribuidas acategorias generalas, sco p.ex. autos, finanzas u viadis. A maun da las paginas-web visitadas vegn creà in profil d’interess(p.ex. “autos”) ed i vegn memorisà ina pitschna datoteca, in uschenumnà cookie, sin Voss computer per pudair identifitgar Vus sco ina persuna interessada a la categoria “autos”. Incumbensaders da reclama ed administraturs da paginas-web pon uschia crear reclamas per gruppas d’utilisaders cun ils medems interess ed il cookie permetta d’inserir reclama da display relevanta per Vus.

Dapli infurmaziuns.

Tge datas vegnan utilisadas?

La reclama online basada sin il cumportament po sa differenziar areguard tge infurmaziuns che vegnan duvradas e co che quellas vegnan duvradas. Las raits da reclama tradiziunalas releveschan ed evalueschanp.ex. datas, cura che Vus visitais ina u pliras paginas-web che fan part da questa rait.

Tgenins èn ils avantatgs da la reclama online basada sin il cumportament??

Vus survegnis reclama online ch’è relevanta per Vus. Sche Vus As interessais p.ex. per lavurs en iert e visitais paginas-web davart lavurs en iert, fissi pussaivel che Vus survegnis – durant questa u ina sesida futuraen l’internet– reclama cun offertas spezialas per segapastgets.

La reclama pli intenziunada è d’avantatg per Vus, perquai che Vus obtegnais reclamas ch’ènpli relevantas per Vus sco er access ad applicaziuns, cuntegns e servetschs gratuits e da buna qualitad. Era per ils incumbensaders da reclama è la reclama online basada sin il cumportament avantagiusa, perquai ch’els pon uschia cuntanscher ils utilisaders ch’èn probablamain interessads a questas infurmaziuns e betg mulestar ils utilisaders plitost betg interessads. Ultra da quai è la reclama online basada sin il cumportament er in avantatg per administraturs da paginas-web, perquai ch’ella als pussibilitescha da metter vinavant a disposiziun cuntegns d’internet gratuitse da porscher reclamas pli relevantas a lur utilisaders. Las entradas da la reclama gidan da finanziar innovaziuns e servetschs futursen l’internet.

Smanatscha la reclama online basada sin il cumportament mia sfera privata?

Tut las interpresas che offran reclama online basada sin il cumportament ston observar las leschas vertentas. Per il solit na vegnan betg relevadas datas persunalas per la reclama online basada sin il cumportament che lubissan d’identifitgar Vus sco utilisader en il mund real. Sch’i vegnutilisà datas persunalas (sco p.ex. datas d’annunzia), vegnis Vus fatg attent a quest fatg en la decleraziun da la protecziun da datas da la pagina-web, cura che Vus As annunziais per tscherts servetschs e dais Voss consentiment areguard il diever da las datas. Vus pudais decider da tut temp, sche Vus vulais profitar da reclama intenziunada adattada a Voss interess u betg.

Tge èn ‘datas persunalas’ e vegnan quellas utilisadas per la reclama online basada sin il cumportament?

Datas persunalas èn datas che pussibiliteschan – u sulettas u ensemen cun autras datas ch’ina tscherta interpresa posseda da Vus – d’As identifitgar cleramain. Exempels da datas persunalas èn il num, l’adressa u l’adressa dad e-mail. La gronda part da las interpresas n’utiliseschan naginas datas persunalas per la reclama online basada sin il cumportament. Sch’ina interpresa utilisescha però Vossas datas persunalas, vegnis Vus fatg attent a quest fatg en la decleraziun da la protecziun da datas da la pagina-web, cura che Vus As annunziais per tscherts servetschs e dais Voss consentiment areguard il diever da las datas.

Tge poss jau far, sche jau na vi betg survegnir talas reclamas?

Vus pudais deactivar qua la reclama online basada sin il cumportament.

Quai na signifitga però betg che Vus na survegnis pli nagina reclama, sche Vus navigais en l’internet. Las reclamas che Vus vesais sin las paginas-web na vegnan però betg adattadas a Voss interess e pon perquai esser pli pauc relevantas per Vus.

Visitai p.pl. nossa pagina d’agid per deactivar la reclama online basada sin il cumportament.

Signifitga la reclama online basada sin il cumportament che jau vegn a survegnir dapli reclama?

Na. La reclama che Vus vesais sin tschertas paginas-web è però adattada a Voss interess ed è uschia pli relevanta per Vus.

Renda la reclama online basada sin il cumportament main agreabel mes temp en l’internet?

Na. Vus na vegnis betg a constatar ina differenza. La reclama online basada sin il cumportament vul simplamain render la reclama online pli relevanta per Vus.

Vegnan telechargiads programs sin mes computer?

Na.

Tge è in ‘cookie’ e co vegn quel utilisà?

In cookie è ina pitschna datoteca che consista da bustabs e da cifras. Quella vegn memorisada sin Voss computer, cura che Vus visitais tschertas paginas-web. Cookies pussibiliteschan ad ina pagina-web da reconuscher las preferenzas d’in utilisader selecziunadas durant ina visita precedenta.Il cookie sez na cuntegna u relevescha naginas infurmaziuns. Sch’in server legia il cookie via in navigatur, gida quel da porscher servetschs pli favuraivels per ils utilisaders, p.ex. cun memorisar las cumpras u las infurmaziuns da conto.

Ils cookies vegnan memorisads en l’arcun da Voss navigatur e cuntegnan tipicamain:

• il num dal server che ha tramess il cookie

• la durada da vita dal cookie

• ina valur – usualmain in numer unic generà casualmain

Il server da la pagina-web che trametta il cookie dovra quest numer per reconuscher Vus, sche Vus returnais ad ina pagina u sche Vus navigais da pagina a pagina. Sulettamain il server che trametta il cookie po leger e damai utilisar quest cookie. Cookies giogan ina rolla centrala per adattar paginas-web al cumportament dals utilisaders e la reclama online basada sin il cumportament lavura en general cun cookies.

Poss jau bloccar in cookie?

Gea. Tscherts navigaturs As lubeschan da bloccar sulettamain cookies da terzs (quai èn cookies che vegnan memorisads sin Voss navigatur da terzs – p.ex. d’ina rait da reclama) u cookies che na correspundan betg a Voss parameters da la protecziun da datas.

Vus pudais era bloccar tut ils cookies. Quai po però render main agreabelVoss temp en l’internet, sche Vus faschais diever da servetschs che lavuran cun cookies. Legiai noss tschintg toptips per dapli infurmaziuns davart l’administraziun dals parameters da la protecziun da datas da Voss navigatur.

Stoss jau deactivar la reclama online basada sin il cumportament, sche jau dovr in auter computer al plaz da lavur?

Gea. Sche Vus deactivais la reclama online basada sin il cumportament che deriva d’ina tscherta interpresa, deactivais Vus la relevaziun da datas e l’utilisaziun da quellas unicamain per il navigatur dal computer u da l’apparat che Vus duvrais gist en quel mument. La deactivaziun pertutga però er autras persunas che dovran quest navigatur. Per deactivar cumplettamain la reclama online basada sin il cumportament che deriva da questa interpresa specifica stuais Vus As deconnectar damintga singul computer e/u navigatur che Vus duvrais (p.ex. Internet Explorer, GoogleChrome, MozillaFirefoxu Safari). Dapli infurmaziuns chattais Vus sin nossa pagina d’agid per deactivar la reclama online basada sin il cumportament.

Ma protegia il scumond da reclama online basada sin il cumportament da spam e da pop-ups?

Na. Sche Vus deactivais la reclama online basada sin il cumportament signifitga quai sulettamain che Vus n’obtegnais pli nagina reclama adattada a Voss interess. Vus na pudais betg scumandar ina tscherta sort da reclama sco p.ex. e-mails da reclama u pop-ups.

Stoss jau far insatge?

Prendai il temp e legiai noss tschintg toptips.