លោក Biden ថា អាមេរិកត្រូវផ្ដល់ជំនួយដល់អ៊ុយក្រែនដើម្បីតតាំងនឹងលោក Putin
នៅក្នុងការថ្លែងសុន្ទរកថាអំពីស្ថានភាពប្រទេសជាតិទៅកាន់សភាទាំងពីរថ្នាក់កាលពីថ្ងៃទី ៧ ខែមីនា ប្រធានាធិបតីសហរដ្ឋអាមេរិកលោក Joe Biden បានជំរុញឱ្យរដ្ឋសភាអនុម័តសំណើច្បាប់ជំនួយបរទេសចំនួន ៩៥ ពាន់លានដុល្លារដែលព្រឹទ្ធសភាបានអនុម័តកន្លងមក។ សំណើច្បាប់នេះមានកញ្ចប់ជំនួយសម្រាប់ប្រទេសអ៊ុយក្រែន បណ្ដាប្រទេសនៅតំបន់ឥណ្ឌូប៉ាស៊ីហ្វិក និងអ៊ីស្រាអែល ក៏ដូចជាជំនួយមនុស្សធម៌សម្រាប់តំបន់ហ្កាហ្សា (Gaza) ផងដែរ។ សំណើច្បាប់នេះកំពុងប្រឈមនឹងការជំទាស់នៅក្នុងរដ្ឋសភាដែលគ្រប់គ្រងដោយគណបក្សសាធារណរដ្ឋ។ អ្នកស្រី Katherine Gypson អ្នកឆ្លើយឆ្លងព័ត៌មានរបស់ VOA ប្រចាំសភា រាយការណ៍អំពីរឿងនេះពីវិមានសភាសហរដ្ឋអាមេរិក។ អ្នកនាង ស្រេង លក្ខិណា ជូនសេចក្ដីប្រែសម្រួល៕
