Mawakin Afrobeat a Najeriya Rema, ya soke dukkan ragowar wasannin da zai yi a watan Disambar nan da ya kama.
Rema, wanda ya samu karin karbuwa a duniya da wakarsa ta “Calm Down” ya bayyana cewa yana bukatar ya je ya kula da lafiyarsa.
“Ban ji dadi da ba zan yi wasa a wannan wata na Disamba ba, na kwashe shekaru ina ta yawo, na yi watsi da lafiyata, ina bukatar na murmure. 2024 muna nan tafe.” Rema ya rubuta a shafinsa na Instagram.
Wannan labari dai bai yi wa masoyansa dadi ba, duba da cewa sun kasa sun tsare don ganin mawakin a wasannin karshen shekara.
Tuni dai fitaccen mawaki Davido ya goyi bayan mawakin, inda ya nuna cewa aikinsu, aiki ne da ke cin jiki.
“Aikin babu sauki ga jiki da kwakwalwa. Afirka da duniya na alfahari da kai fiye da yadda ba ka tsammani. Ka je ka huta Sarki @heisrema don ka dawo da karfinka.” In ji Davido.
Dandalin Mu Tattauna