Qeveria e Kosovës dorëzon në parlament projektligjin mbi Vettingun që synon reformim të sistemit gjyqësor dhe prokurorial. Autoritetet thanë sot se rasti i përdhunimit të një të miture në Prishtinë e bën edhe më të domosdoshëm këtë proces. Shqipëri agjencitë e mjedisit ngrenë shqetësimin mbi nivelin e ndotjes dhe gjuetinë e paligjshme në liqenin e Shkodrës. Zonja e Parë e Ukrainës Olena Zelenska, bëri thirrje që ndihma për vendin e saj të vazhdojë megjithë vështirësitë ekonomike dhe rritjen e çmimeve të energjisë në mbarë Evropën. Ajo vuri në dukje se kostot e agresionit rus janë edhe shumë më të rënda për vendin e saj, jo vetëm ekonomikisht, por edhe në jetë njerëzish.