Izraeli zmbraps sulmin nga Irani, me mbështetjen e aleatëve. Zhvillimet e fundit ngjallin shqetësime për një përshkallëzim të mundshëm në rajon. Në Shqipëri, Këshilli i Lartë Gjyqësor ka hartuar së fundi një projekt-strategji kombëtare 3 vjeçare për uljen e numrit të çështjeve të prapambetura në Gjykata. Por ekspertët shprehin skepticizëm lidhur me zbatimin e saj. Në Kosovë, organizatat dhe të mbijetuarat e dhunës seksuale gjatë luftës së viteve 1998–1999 kërkojnë nga institucionet dhe shoqëria në vend që të mbështesin viktimat e këtij krimi gjatë luftës në Kosovë. Këto kërkesa u bënë me rastin e 14 prillit, Ditës së të Mbijetuarave të Dhunës Seksuale gjatë luftës së fundit në Kosovë.