فری گیٹ کیسے کام کرتا ہے؟

فری گیٹ کوممکنہ حد تک سادہ اور شفاف انداز میں ڈیزائن کیا گیا تھا تا کہ یوزر اسے آسانی سے استعمال کرسکیں۔ پروگرام بذات خود بھی ایک چھوٹی سی اپلیکیشن ہے جو یوزر اپنے کمپیوٹر یا موبائل پرڈاوٴن لوڈ کرسکتا ہے۔

ایک دفعہ انسٹال ہونے کے بعد فری گیٹ بغیر نان بلاک سرورکومستقل ٹریک کئے بغیر یوزرزکو ڈائنا ویب تک رسائی دیتا ہے۔یہ بات قابل ذکر ہے کہ اینکرپشن کی متعددلیئرز بننے کے باوجود اس میں پرائیویسی کی کوئی گارنٹی نہیں۔

ڈی آئی ٹی کے جائزہ کے مطابق فری گیٹ بہت سے ملکوں میں استعمال کیا جا رہا ہے لیکن یہ خاص طورپر دو ملکوں چین اورایران میں حکومتی سنسر شپ سے بچنے کے لئے ڈیزائن کیا گیا تھا۔ان تمام یوزرز کو جو چین کی گریٹ فائر وال اورایران کی سخت پابندیوں سے باہر نکل کر سرچنگ کرنا چاہتے ہیں، فری گیٹ مددگارثابت ہوتا ہے۔

مثال کے طورپر اگر کوئی شخص چین میں ”تیان من اسکوائر“ سر چ کراتا ہے تو اسے وہ رزلٹ ملنا مشکل ہیں جو نسبتاً کسی دوسرے ملک جیسے سویئڈن میں بیٹھے شخص کو ملیں گے۔ یہ چین کی انٹر نیٹ ٹریفک کی آمد ورفت کی سخت فلٹرنگ اور مانٹیرنگ کا نتیجہ ہے۔ فری گیٹ کے پروکسی سروراستعمال کر کے چین کا یوزر بھی پابندیوں سے بچ کر انٹرنیٹ کی سرفنگ کرسکتا ہے۔

ممکنہ نقائص

اس کے کچھ نقائص بھی ہیں۔ اس کے باوجود کہ ڈائناویب نہایت عمدہ تیزی سے شفٹ ہونے والی پراکسی اور مررسائٹس کا استعمال کرتا ہے اس کے باوجود اس کا سائز محدود ہے۔مزید یہ کہ اس کی زیادہ تر سائٹس یا تو تائیوان میں ہیں یا پھر امریکہ میں اس لئے چینی حکام کا ان کی لوکیشن معلوم کرکے فری گیٹ کو بلاک کرنا بہت آسان ہوتاہے۔

بہت سے ایسے واقعات بھی ہوئے ہں جن میں یوزرز نے بوگس فری گیٹ ڈاوٴن لوڈ کیا جواصل میں سر کم وینشن ٹول نہیں تھا بلکہ اسپائی وئیر تھا جو یوزر کے کمپیوٹر پر انسٹال ہوگیا کیونکہ فری گیٹ کے بہت سے ورژن جاری ہوچکے ہیں اس لئے یوزر کے لئے اس بات پر اعتماد کرنا مشکل ہوجاتا ہے کہ جو ورژن وہ استعمال کررہا ہے وہ اس کے لئے ٹھیک ہے۔

باٹم لائن

فری گیٹ چین اور ایران کے لئے اورکسی حد تک کچھ ایشیائی ملکوں اور مشرق وسطی کے ملکوں کے لئے اچھا سرکم وینشن ٹول ثابت ہوا ہے۔ اس کا استعمال آسان اورقیمت مناسب ہے اور یہ قومی سنسر سے بچ کر بلاک اور فلٹر ہوئی سائٹس تک رسائی بھی موثر انداز میں دیتا ہے تاہم یہ یوزر کی شناخت کو خفیہ نہیں رکھتا اور نہ ہی آن لائن پرائیویسی کو یقینی بناتا ہے۔