امریکہ میں رواں برس نومبر میں صدارتی انتخابات کا انعقاد ہونا ہے۔ ان انتخابات سے قبل منگل کو لگ بھگ 15 ریاستوں اور ایک زیرِ انتظام علاقے میں ڈیموکریٹک پارٹی اور ری پبلکن پارٹی کے پرائمری انتخابات ہوئے۔ ان پرائمریز اور کاکسز کے انتخابات کو 'سپر ٹیوزڈے' بھی کہا جاتا ہے۔ امریکہ کے صدر جو بائیڈن اور سابق صدر ڈونلڈ ٹرمپ پرائمریز کے مقابلوں میں کامیابی کی طرف گامزن ہیں۔ امکان ظاہر کیا جا رہا ہے کہ وہ نومبر میں صدارتی الیکشن میں مدِ مقابل ہوں گے۔