Washington DC —
Najeriya ta fitar da Afirka ta Kudu a gasar cin kofin nahiyar Afirka ta bugun fenariti da ci 4-2 bayan an tashi wasa ci 1-1.
Williams Troost-Ekong ne ya zura wa Najeriya ta bugun fenariti a minti na 67 kafin Afirka ta Kudu ita ma farke ta bugun fenariti saura minti uku a tashi wasa.
Bayan an tashi wasan 1-1, sai aka kara minti 30 inda cikinta ba a samu wanda ya yi nasara ba.
Cikin fenariti biyar Najeriya ta shigar da guda 4, ita kuma Afirka ta Kudu ta shigar da guda biyu inda kasashen biyu suka barar da dai dai.
A dayan wasan tsakanin masaukin baki Kwaddebuwa ta ci DR Congo 1-0 wadda ya tabbatar da hayewanta zuwa wasan karshe.
Sebastian Haller ne ya zura wa masaukin bakin a minti na 65 da buga wasa.
Dandalin Mu Tattauna