TV
ཀུན་གླེང་། ༢༠༢༤ ལོའི་ཟླ་༤ ཚེས་༢༤
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་ནག་གི་དོ་དམ་འོག་ཡོད་པའི་པཎ་ཆེན་རིན་པོ་ཆེ་དགུང་གྲངས་༣༥ ལ་ཕེབས་པའི་འཁྲུངས་སྐར་སྲུང་བརྩི་དང་། ས་སྐྱ་ཁྲི་ཆེན་རིན་པོ་ཆེར་བརྟན་བཞུགས། ཨ་རིའི་ཕྱི་སྲིད་དྲུང་ཆེས་རྒྱ་ནག་ལ་འཚམས་གཟིགས་གནང་བ། ཡུག་ཀེ་རེན་དང་ཐེ་ཝན་གྱིས་ཨ་རིའི་རོགས་སྐྱོར་ཁྲིམས་གཞི་གཏན་འབེབ་བྱུང་བར་དགའ་བསུ་ཞུས་པ་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་དགུང་ལོ་༢༠ སྟེང་རྒྱ་ནག་གིས་འཛིན་བཟུང་བྱས་ཏེ་མི་ལོ་བཅུ་དགུའི་རིང་བཙོན་འཇུག་བྱས་རྗེས་༡༩༨༢ ལོར་གཞི་ནས་བཙོན་གྲོལ་ཐོབ་པའི་བོད་ཀྱི་ཆབ་སྲིད་བཙོན་ཟུར་ལྷུན་གྲུབ་དབང་རྒྱལ་ལགས་ངོ་སྤྲོད་ཀྱི་ལེའུ་གཉིས་པ་དེ་གཟིགས་འབུལ་ཞུ། ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ལགས་ཀྱིས་རཱཇ་པུར་ས་སྐྱ་ཆོས་སྒར་གྱི་འགན་འཛིན་དྲུང་ཆེ་བསོད་ནམས་ཆོས་རྒྱལ་ལགས་གདན་འདྲེན་ཞུས་ནས་དཔལ་ལྡན་ས་སྐྱ་༧གོང་མ་ཁྲི་ཆེན་རིན་པོ་ཆེ་མཆོག་ཉེ་ཆར་འབྲུག་ཡུལ་དུ་ཆིབས་བསྒྱུར་གྱིས་ཆོས་ཕྱོགས་ཀྱི་མཛད་འཕྲིན་རྒྱ་ཆེ་བསྐྱངས་པའི་སྐོར་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།