TV
༢༢:༠༠ - ༢༣:༠༠
ཀུན་གླེང་། ༢༠༢༢ ལོའི་ཟླ་༦ ཚེས་༢༩
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་ལྷོ་ཀོ་རི་ཡའི་སྲིད་འཛིན་ལ་རྟེན་འབྲེལ་ཞུས་པ་དང་། ནང་པའི་ཚན་རིག་དང་ལྟ་གྲུབ་ཀུན་བཏུས་ཀོ་རི་ཡའི་སྐད་དུ་འགྲེམ་སྤེལ། རྒྱལ་བ་ཀརྨ་པའི་འཁྲུངས་སྐར་སྲུང་བརྩི། འབྱོར་ལྡན་རྒྱལ་ཁབ་བདུན་གྱི་ཚོགས་ཆེན། ཨ་རིའི་ཆེས་མཐོའི་ཁྲིམས་ཁང་གི་ཐག་གཅོད་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ནུབ་བྱང་མི་རིགས་སློབ་ཆེན་དང་ཡུན་ནན་སློབ་ཆེན་སོགས་སུ་དགེ་རྒན་གྱི་ཕྱག་ལས་གནང་མྱོང་ཞིང་། ཁེ་ན་ཌ་ནས་སྤྱི་ཚོགས་རིག་པའི་འབུམ་རམས་པའི་སློབ་མཐར་ཕྱིན་པ། ལོ་ཤས་སྔོན་བོད་ནས་ནུབ་ཕྱོགས་སུ་བཙན་བྱོལ་ལ་ཕེབས་མཁན་རྒན་རྒྱལ་ལོ་ལགས་དང་མཉམ་དུ་བོད་གཞིས་བྱེས་གཉིས་ཀྱི་འབྲེལ་ལམ་སྐྱོང་སྟངས་སྐོར་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།