កម្មវិធីវិទ្យុ
ព័ត៌មានពេលព្រឹក
ព័ត៌មានសំខាន់ៗអំពីកម្ពុជាមានដូចជា សមាជិកគ្រួសាររបស់សកម្មជនបក្សប្រឆាំងដែលជាប់ឃុំ បន្តស្វែងរកអន្តរាគមន៍ពីស្ថានទូតសហភាពអឺរ៉ុបនៅកម្ពុជា។ ធនាគារអេស៊ីលីដាថា របាយការណ៍របស់សង្គមស៊ីវិលអំពីបំណុលកម្មកររោងចក្រ «គ្មានមូលដ្ឋាន» និង«មានចរិតញុះញង់»។ សមាគមមីក្រូហិរញ្ញវត្ថុចាត់ទុករបាយការណ៍អង្គការក្រៅរដ្ឋាភិបាលអំពីបំណុលពលរដ្ឋក្នុងគ្រាវិបត្តិកូវីដ១៩ថាមានភាព «មិនប្រក្រតី»។ រីឯព័ត៌មានអន្តរជាតិសំខាន់ៗមានដូចជា នៅក្នុងបទសម្ភាន៍ជាមួយ VOA លោក John Bolton អតីតទីប្រឹក្សាសន្តិសុខជាតិប្រចាំសេតវិមាន បានហៅលោកប្រធានាធិបតី Donald Trump ថាជាមនុស្សមិននឹងនរ និងគ្រោះថ្នាក់។ ពលរដ្ឋហុងកុងដំបូងគេម្នាក់ ត្រូវបានចោទប្រកាន់ពីបទភេរវកម្មក្រោមច្បាប់សន្តិសុខថ្មីរបស់ចិនសម្រាប់ហុងកុង។ នាយករដ្ឋមន្ត្រីឥណ្ឌាធ្វើទស្សនកិច្ចនៅមូលដ្ឋានយោធា ខណៈមានភាពតានតឹងជាមួយចិននៅបណ្តោយព្រំដែន។ នាយករដ្ឋមន្ត្រីបារំាងលោក Macron ជ្រើសរើសនាយករដ្ឋមន្ត្រីថ្មីដើម្បីកែប្រែអាណត្តិរបស់លោក និងព័ត៌មានអន្តរជាតិផ្សេងទៀត៕
ព័ត៌មានពេលរាត្រី
ព័ត៌មានសំខាន់ៗអំពីកម្ពុជាមានដូចជា របាយការណ៍ថ្មីមួយបង្ហាញថា កម្មកររោងចក្រត្រូវបង្ខំចិត្តលក់ទ្រព្យសម្បត្តិ និងខ្ចីគេបន្ថែមដើម្បីសងបំណុលមីក្រូហិរញ្ញវត្ថុ។ រីឯព័ត៌មានអន្តរជាតិសំខាន់ៗមានដូចជា ការអនុម័តច្បាប់ស្តីពីសន្តិសុខរបស់ចិនសម្រាប់ទីក្រុងហុងកុង បង្កឲ្យមានភាពច្របូកច្របល់។ វិបត្តិជំងឺកូវីដ ១៩ បង្កឲ្យមានការច្នៃប្រឌិតថ្មីក្នុងវិស័យបច្ចេកវិទ្យា។ ការរៃអង្គាសប្រាក់របស់ចិនដើម្បីជួយអង្គការសុខភាពពិភពលោក WHO ទទួលបានប្រាក់តិចជាងការប៉ងចង់បាន។ ការចាប់ខ្លួននិងការផ្អាកអាជ្ញប័ណ្ណផ្សព្វផ្សាយ បង្ហាញពីការបង្ក្រាបរបស់រដ្ឋាភិបាលវៀតណាមលើសេរីភាពសារព័ត៌មាន។ ក្រុមបុគ្គលិកពេទ្យថា ជំងឺរាតត្បាតកូវីដ ១៩ មិនងាយនឹងត្រូវបានបញ្ឈប់ទាំងស្រុងនោះទេ និងព័ត៌មានអន្តរជាតិផ្សេងទៀត៕