កម្មវិធីវិទ្យុ
ព័ត៌មានពេលព្រឹក៖ ១ ធ្នូ ២០២០
ព័ត៌មានអំពីកម្ពុជាមាន រដ្ឋាភិបាលកំណត់ពេល១៥ថ្ងៃ ទប់ទល់ការឆ្លងជំងឺកូវីដ១៩ ក្នុងសហគមន៍ជាលើកដំបូង។ ព័ត៌មានអន្តរជាតិវិញមានដូចជា ករណីឆ្លងជំងឺកូវីដ១៩ នៅសហរដ្ឋអាមេរិក កើនឡើង ខណៈអាជ្ញាធរពិចារណាការដាក់កំហិតថ្មី។ អ្នកការពារសិទ្ធិមនុស្សថៃដ៏សកម្ម អ្នកស្រី «ណយ» តម្រង់រកជនមានអំណាច។ លោក Fauci ព្រមានពីការហក់ឡើងខ្ពស់ផ្ទួនៗនៃការឆ្លងជំងឺកូវីដ១៩ ក្នុងអំឡុងពេលពិធីបុណ្យរំឭកគុណ Thanksgiving។ ប្រទេសអ៊ីរ៉ង់កាន់ទុក្ខអ្នកវិទ្យាសាស្ត្រអាវុធនុយក្លេអ៊ែរដែលត្រូវបានបាញ់សម្លាប់។ នាយករដ្ឋមន្ត្រីអេត្យូពី កោះប្រជុំសភាវិសាមញ្ញមួយស្តីពីតំបន់ជម្លោះ Tigray។ ចិនដាក់ទណ្ឌកម្មបុគ្គល៤រូប ដែលមានទំនាក់ទំនងនឹងការលើកកម្ពស់ប្រជាធិបតេយ្យអាមេរិកក្នុងទីក្រុងហុងកុង។ ក្រុមហ៊ុនឱសថModerna ស្នើសុំការអនុញ្ញាតអាជ្ញាធរអាមេរិក និងអឺរ៉ុបប្រើប្រាស់វ៉ាក់សាំងកូវីដ១៩៕
ព័ត៌មានពេលរាត្រី៖ ១ ធ្នូ ២០២០
ព័ត៌មានអំពីកម្ពុជាមានដូចជា មនុស្ស៣នាក់ទៀតឆ្លងជំងឺកូវីដ១៩ ក្នុងករណីឆ្លងសហគមន៍ដំបូងនៅកម្ពុជា។ ថ្នាក់ដឹកនាំបក្សប្រឆាំង ប្រកាសវិលចូលស្រុកជាថ្មីនៅដើមឆ្នាំ២០២១ ទោះជាតុលាការកោះហៅ។ ករណីពុលស្រាសនៅខេត្តកំពង់ឆ្នាំង បណ្តាលឲ្យមនុស្សយ៉ាងតិច៨នាក់ស្លាប់។ សហគមន៍ខ្មែររិះរកវិធីផ្សះផ្សាគ្នាក្រោយការបោះឆ្នោតប្រធានាធិបតីដ៏ជូរចត់។ ព័ត៌មានអន្តរជាតិវិញមានដូចជា លោក Biden នឹងណែនាំមន្ត្រីសេដ្ឋកិច្ចកំពូលៗជាសាធារណៈនៅថ្ងៃអង្គារនេះ។ អ្នកវិភាគអាមេរិកថា ចិនផ្ដល់វ៉ាក់សាំងកូវីដ១៩ ដល់មេដឹកនាំកូរ៉េខាងជើងលោក Kim Jong Un។ អង្គការសហប្រជាជាតិអំពាវនាវរកថវិកា ៣៥ ពាន់លានដុល្លារសម្រាប់ជំនួយសាកលឆ្នាំ ២០២១។ អង្គការ Amnesty ថា Facebook និង Google ក្លាយជា «កន្លែងដែលគ្មានសិទ្ធិមនុស្ស»។ តុល្យភាពអំណាចនៅព្រឹទ្ធសភា នឹងកំណត់ដោយការបោះឆ្នោតអាសនៈព្រឹទ្ធសភា ២ នៅរដ្ឋ Georgia។ ការប្រែប្រួលអាកាសធាតុជាអាទិភាពមួយក្នុងបណ្តាអាទិភាពសំខាន់ៗរបស់លោក Joe Biden។ អ្នកជួលផ្ទះរាប់លាននាក់នៅសហរដ្ឋអាមេរិក កំពុងប្រឈមនឹងការបណ្ដេញចេញ៕
