កម្មវិធីវិទ្យុ
ព័ត៌មានពេលព្រឹក៖ ៣១ ធ្នូ ២០២០
ព័ត៌មានអំពីកម្ពុជាមាន ភាពចម្រូងចម្រាសនៃការចុះឈ្មោះអ្នកបោះឆ្នោត នាំឲ្យសង្ស័យពីការកេងចំណេញសំឡេងឆ្នោត។ រីឯព័ត៌មានអន្តរជាតិវិញមានដូចជា សហភាពអឺរ៉ុបនិងចិនឯកភាពគ្នាលើកិច្ចព្រមព្រៀងវិនិយោគដ៏សំខាន់មួយមិនធ្លាប់មានពីមុន។ ព្រឹទ្ធសភាអាមេរិកត្រៀមបោះឆ្នោតជំទាស់ទៅនឹងការវ៉េតូប្រឆាំងរបស់លោក Trump លើច្បាប់ថវិកាការពារជាតិ។ សហភាពអឺរ៉ុបចុះហត្ថលេខាជាមួយចក្រភពអង់គ្លេសលើកិច្ចព្រមព្រៀងពាណិជ្ជកម្ម Brexit។ ប្រធានាធិបតីរុស្សីចុះហត្ថលេខាលើវិសោធនកម្មច្បាប់ស្តីពី «ភ្នាក់ងារបរទេស»។ ជប៉ុននិងកូរ៉េខាងត្បូងនឹងដំណើរការរោងចក្រធ្យូងថ្មជាមួយវៀតណាម ទោះធ្លាប់សន្យាការពារបរិស្ថានក៏ដោយ។ វេទិកាសេដ្ឋកិច្ចពិភពលោក៖ ប្រទេសនានាដែលមានជំនាញឌីជីថលជឿនលឿននិងមានប្រព័ន្ធសុវត្ថិភាពសង្គម សម្របបានប្រសើរក្នុងអំឡុងជំងឺរាតត្បាត។ ក្រុមវេជ្ជបណ្ឌិតក្នុងប្រទេសកេនយ៉ាធ្វើកូដកម្មទាមទារដំឡើងបា្រក់ខែ និងសម្រួលលក្ខខណ្ឌការងារ៕
ព័ត៌មានពេលរាត្រី៖ ៣១ ធ្នូ ២០២០
ព័ត៌មានសំខាន់ៗអំពីកម្ពុជាមានដូចជា មន្រ្តីគ.ជ.ប.ថា ស្ថាប័នមិនមានសមត្ថកិច្ចស៊ើបអង្កេតការចល័តទាហានមកចុះឈ្មោះបោះឆ្នោតទេ។ មាតុភូមិនិវត្តន៍របស់មន្ត្រីគណបក្សសង្គ្រោះជាតិ ដើម្បីការពារខ្លួននៅតុលាការប្រឈមឧបសគ្គនយោបាយ ខណៈពេលវេលាកាន់តែខើច។ សកម្មជននិងអ្នករិះគន់ប្រឈមការវាយប្រហាររាងកាយក្នុងការបង្រ្កាបនយោបាយឆ្នាំ ២០២០។ រីឯព័ត៌មានអន្តរជាតិវិញមានដូចជា ភោជនីយដ្ឋានរាប់ពាន់នៅសហរដ្ឋអាមេរិកបិទទ្វារនៅពេលដែលវ៉ាក់សាំងបង្ការជំងឺកូវីដ ១៩ មកដល់។ រដ្ឋ California រកឃើញករណីទី២ នៃជំងឺកូវីដ១៩ វិវត្តិន៍ថ្មី។ សំណើច្បាប់ដំឡើងប្រាក់ឧបត្ថម្ភកូវីដ១៩ ដល់ពលរដ្ឋម្នាក់ៗជាប់គាំងនៅព្រឹទ្ធសភាសហរដ្ឋអាមេរិក។ ប្រទេសចិនអនុម័តជាលើកដំបូងឲ្យប្រើវ៉ាក់សំាងកូវីដ១៩ ផលិតនៅក្នុងប្រទេស។ សមាជិកព្រឹទ្ធសភាគណបក្សសាធារណរដ្ឋម្នាក់ នឹងប្រឆាំងជ័យជម្នះអង្គបោះឆ្នោតរបស់លោក Biden។ សហរដ្ឋអាមេរិក ហាមឃាត់ការនាំចូលផលិតផលដូងប្រេងមកពីប្រទេសម៉ាឡេស៊ី។ ផ្សារភាគហ៊ុនអាស៊ីភាគច្រើនឡើងថ្លៃ នៅក្នុងការលក់ដូរថ្ងៃចុងក្រោយនៃឆ្នាំ២០២០នេះ និងព័ត៌មានអន្តរជាតិផ្សេងៗទៀត៕
