កម្មវិធីវិទ្យុ
ព័ត៌មានពេលព្រឹក៖ ៣ មករា ២០២១
ព័ត៌មានសំខាន់ៗនៅជុំវិញពិភពលោកមានដូចជា ការផ្តើមគំនិតរបស់អង្គការ WHO ថា កង្វះខាតប្រាក់បានរារាំងក្រុមប្រទេសក្រីក្រមិនឱ្យបានទទួលវ៉ាក់សាំងនិងការព្យាបាល។ សហរដ្ឋអាមេរិក ហាមឃាត់ការនាំចូលផលិតផលដូងប្រេងមកពីប្រទេសម៉ាឡេស៊ី។ អាជ្ញាធរថៃចាប់ខ្លួនដ៏កម្រនូវអ្នកនយោបាយនៅមូលដ្ឋានម្នាក់ ចំពោះការជួញដូរពលករចំណាកស្រុកនៅក្នុងវិស័យនេសាទដែលមានឈ្មោះមិនល្អ។ រដ្ឋកាលីហ្វ័រញ៉ា ទទួលបានវ៉ាក់សាំងបង្ការជំងឺកូវីដ១៩ ជាង២លានដូស។ តើចិនអាចពឹងផ្អែកលើខ្លួនឯងក្នុងការបង្កើតបន្ទះអេឡិចត្រូនិកឬទេ?
ព័ត៌មានពេលរាត្រី៖ ៣ មករា ២០២១
ព័ត៌មានសំខាន់ៗអំពីកម្ពុជាមានដូចជា អ្នកជំនាញថា វិស័យកសិកម្មនៅតែល្អប្រសើរ ទោះកម្ពុជារងឥទ្ធិពលកូវីដ១៩។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ៣ មានការពិភាក្សាអំពី កិច្ចគាំពារសង្គមនៅកម្ពុជា។ រីឯព័ត៌មានអន្តរជាតិវិញមានដូចជា វេទិកាសេដ្ឋកិច្ចពិភពលោកថា ប្រទេសនានាដែលមានជំនាញឌីជីថលជឿនលឿននិងមានប្រព័ន្ធសុវត្ថិភាពសង្គម សម្របបានប្រសើរក្នុងអំឡុងជំងឺរាតត្បាត។ ឡាវប្តេជ្ញាបន្តដំណើរទៅមុខជាមួយទំនប់ ៤ ទៀតលើទន្លេមេគង្គ ចំពេលមានគ្រោះរាំងស្ងួត៕