កម្មវិធីវិទ្យុ
ព័ត៌មានពេលព្រឹក៖ ២០ មករា ២០២១
ព័ត៌មានអំពីកម្ពុជាមានដូចជា ភាពតានតឹងក្នុងគ្រួសារពេលមានវិបត្តិជំងឺកូវីដ នាំឲ្យមានការព្រួយបារម្ភពីកំណើនអំពើហិង្សាលើស្រ្តី។ មនុស្ស ២ នាក់ទៀតត្រូវរកឃើញឆ្លងកូវីដ១៩ ដោយធ្វើឱ្យចំនួនឆ្លងសរុបនៅកម្ពុជាកើនដល់ ៤៤១ នាក់។ រីឯព័ត៌មានអន្តរជាតិវិញមានដូចជា ក្ដីបារម្ភរឿងតវ៉ាប្រដាប់អាវុធកើតមានឡើង មុនពិធីស្បថចូលកាន់តំណែងរបស់លោក Biden ចូលមកដល់។ លោក Biden នឹងចូលរួមពិធីសាសនា Mass ជាមួយថ្នាក់ដឹកនាំសភាអាមេរិក មុនស្បថចូលកាន់តំណែង។ អ្នកស្រី Yellen ថា លោក Biden នឹងប្រើគ្រប់មធ្យោបាយដើម្បីប្រឆាំងនឹងចិនរឿងបំពានផ្នែកពាណិជ្ជកម្ម។ អនាគតរដ្ឋមន្ត្រីការបរទេសសហរដ្ឋអាមេរិកថ្មី លោក Antony Blinken ថា សហរដ្ឋអាមេរិកនឹងរួបរួមជាមួយសម្ព័ន្ធមិត្តដើម្បីទប់ទល់នឹងចិន រុស្ស៊ី អ៊ីរ៉ង់ និងប្រទេសផ្ដាច់ការផ្សេងទៀត។ សហរដ្ឋអាមេរិកគាំទ្រកំណែទម្រង់អង្គការសុខភាពពិភពលោក ដែលដឹកនាំដោយប្រទេសជាសមាជិក។ ចំនួនប្រជាជនកូរ៉េខាងត្បូងធ្លាក់ចុះជាលើកដំបូងនៅក្នុងឆ្នាំ២០២០៕
ព័ត៌មានពេលរាត្រី៖ ២០ មករា ២០២១
ព័ត៌មានអំពីកម្ពុជាមាន ថ្នាក់ដឹកនាំបក្សប្រឆាំង៖ សហភាពអឺរ៉ុបនឹងបន្តដក EBA បន្ថែមទៀត ដោយសារស្ថានភាពនយោបាយមិនល្អប្រសើរ។ រីឯព័ត៌មានអន្តរជាតិវិញមានដូចជា បទសន្ទនា VOA អំពីពិធីស្បថចូលកាន់តំណែងជាប្រធានាធិបតីសហរដ្ឋអាមេរិករបស់លោក Biden និងសម្រាប់តំណែងជាអនុប្រធានាធិបតីរបស់អ្នកស្រី Harris។ រដ្ឋធានីវ៉ាស៊ីនតោនស្ថិតក្នុងការប្រុងប្រយ័ត្នខ្ពស់ មុនពេលពិធីស្បថចូលកាន់តំណែងរបស់លោក Biden។ លោក Trump ជូនពរសព្ទសាធុការដល់រដ្ឋបាលថ្មី។ លោក Trump បានចេញការលើកលែងទោសក្នុងថ្ងៃកាន់តំណែងចុងក្រោយ។ សម្ព័ន្ធមិត្តអាមេរិកនៅអឺរ៉ុបស្វាគមន៍លោក Biden ជាប្រធានាធិបតី។ សហរដ្ឋអាមេរិកកំណត់ថាការគាបសង្កត់របស់ចិនលើជនជាតិ Uighurs ជាអំពើ «ប្រល័យពូជសាសន៍»។ សហរដ្ឋអាមេរិក រកឃើញជំងឺកូវីត១៩ វិវត្តន៍ថ្មីមួយទៀត នៅរដ្ឋ California ខណ:ដែលការស្លាប់កើនឡើងដល់ ៤ សែននាក់ និងព័ត៌មានសំខាន់ៗមួយចំនួនទៀត៕
