កម្មវិធីវិទ្យុ
ព័ត៌មានពេលព្រឹក៖ ១ វិច្ឆិកា ២០២១
ព័ត៌មានអំពីកម្ពុជាមាន បំណុលជំពាក់ថៅកែឡឥដ្ឋ នៅតែជាមូលហេតុធ្វើឲ្យក្មេងៗត្រូវធ្វើការទាំងខុសច្បាប់។ អ្នកជំនាញថា វាគួរឲ្យអាម៉ាស់ បើកម្ពុជាផ្តល់អាទិភាពដល់ការអភិវឌ្ឍសេដ្ឋកិច្ច ដោយរំលងការបង្ការការប្រែប្រួលអាកាសធាតុ។ រីឯព័ត៌មានអន្តរជាតិវិញមាន បេសកជនអង្គការសហប្រជាជាតិ អំពាវនាវឲ្យមេដឹកនាំរបបសឹកយោធាមីយ៉ាន់ម៉ាចុះចេញពីតំណែង៕
ព័ត៌មានពេលរាត្រី៖ ១ វិច្ឆិកា ២០២១
ព័ត៌មានអំពីកម្ពុជាមាន រដ្ឋមន្ត្រី៖ កម្ពុជា មិនធ្វើរោងចក្រអគ្គិសនីដើរដោយធ្យូងថ្មថ្មីបន្ថែមនោះទេ។ ការទទួលសិស្សមករៀនផ្ទាល់វិញនៅជួបការប្រឈម ខណៈសាលារៀនទូទាំងប្រទេសបើកទ្វារឡើងវិញ។ កុមារា កាក់ សុវណ្ណច្ឆ័យ ត្រូវតុលាការកាត់ទោសឱ្យជាប់ពន្ធនាគារពីបទ«ញុះញង់»។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការប្រឈមជាទូទៅរបស់ស្រ្តីនៅក្នុងតួនាទីជាអ្នកដឹកនាំ»។ រីឯព័ត៌មានអន្តរជាតិវិញមាន មេដឹកនាំពិភពលោក នឹងផ្តោតលើការប្រែប្រួលអាកាសធាតុនៅក្នុងសន្និសីទចំនួន២សប្តាហ៍។ សកម្មជនហុងកុងបីនាក់ បដិសេធការចោទប្រកាន់អំពីពិធីរំឭកការបង្ក្រាបនៅទីលាន Tiananmen។ កូរ៉េខាងត្បូង និងសហរដ្ឋអាមេរិកធ្វើសមយុទ្ធដែនអាកាសរួមគ្នាស្ងាត់ៗ ចំពេលមានការអំពាវនាវចង់ចរចាជាមួយកូរ៉េខាងជើង។ អ្នកវិទ្យាសាស្រ្តនូវវែលសេឡង់ស៊ើបអង្កេតផលប៉ះពាល់ពីកម្ទេចកម្ទីប្លាស្ទិកលើការប្រែប្រួលអាកាសធាតុ៕