កម្មវិធីវិទ្យុ
ព័ត៌មានពេលព្រឹក៖ ១ សីហា ២០២១
ព័ត៌មានអំពីកម្ពុជាមានដូចជា មេឃុំធ្វើនិរាករណ៍លិខិតស្នាមបញ្ជាក់ប្លង់ដីក្នុងតំបន់អភិរក្សជាបន្តបន្ទាប់ នាំឲ្យមានការរិះគន់ថា«ខ្វះការទទួលខុសត្រូវ»។ រីឯព័ត៌មានអន្តរជាតិវិញមានដូចជា ការសិក្សាថ្មីថា ការកាប់ព្រៃត្រូពិកតំបន់ភ្នំនៅអាស៊ីអាគ្នេយ៍ កំពុងកើតឡើងក្នុងទ្រង់ទ្រាយធំនិងក្នុងល្បឿនយ៉ាងលឿន។ អាកាសធាតុអាក្រក់កម្រិតធ្ងន់ធ្ងរដែលកើតឡើងញឹកញាប់ជាងមុនធ្វើឲ្យអ្នកវិទ្យាសាស្រ្តភ្ញាក់ផ្អើល។ កម្មវិធីព័ត៌មានអវកាសខែនេះមានព័ត៌មានអំពីមហាសេដ្ឋីទៅលំហអាកាស តុល្យភាពកាបូន និងជីវិតលើភពព្រះអង្គារ៕
ព័ត៌មានពេលរាត្រី៖ ១ សីហា ២០២១
ព័ត៌មានអំពីកម្ពុជាមានដូចជា ការសិក្សា១រកឃើញថាកសិករកម្ពុជាប៉ះពាល់ខ្លាំងក្រោយការឆ្លងកូវីដក្នុងសហគមន៍២០កុម្ភៈ។ គណៈកម្មាធិការកិច្ចការបរទេសនៃសភាអាមេរិកអនុម័តសេចក្តីស្នើច្បាប់ដាក់ទណ្ឌកម្មលើការខូចខាតប្រជាធិបតេយ្យកម្ពុជា។ រីឯព័ត៌មានអន្តរជាតិវិញមានដូចជា គោលនយោបាយ«មិនឱ្យមានអ្នកទស្សនា» ក្នុងកីឡាអូឡាំពិកនៅតូក្យូជារឿងខកចិត្ត។ ទីភ្នាក់ងារ AP បានចូលមើលមណ្ឌលឃុំឃាំងធំបំផុតនៅតំបន់ស៊ីនជាំង។ ការសិក្សាថ្មីថា ការកាប់ព្រៃត្រូពិកតំបន់ភ្នំនៅអាស៊ីអាគ្នេយ៍កំពុងកើតឡើងក្នុងទ្រង់ទ្រាយធំនិងក្នុងល្បឿនយ៉ាងលឿន៕