កម្មវិធីវិទ្យុ
ព័ត៌មានពេលព្រឹក៖ ១៧ សីហា ២០២១
ព័ត៌មានអំពីកម្ពុជាមាន បទសន្ទនា VOA អំពីស្ថានភាពវិវត្តន៍នៅក្នុងប្រទេសអាហ្វហ្គានីស្ថាន ក្រោយពីក្រុមតាលីបង់ដណ្ដើមការគ្រប់គ្រងបានទាំងស្រុង។ សាលាក្ដីខ្មែរក្រហមចាត់ការបណ្ដឹងសាទុក្ខរបស់ ខៀវ សំផន ដែលទំនងជាសញ្ញានៃការខិតជិតទីបញ្ចប់នៃតុលាការកូនកាត់។ រីឯព័ត៌មានអន្តរជាតិវិញមានដូចជា ពិភពលោកបញ្ចេញប្រតិកម្មចំពោះវិបត្តិនៅប្រទេសអាហ្វហ្គានីស្ថាន។ ប៉ូលិសបង្រ្កាបកុបកម្មក្នុងប្រទេសថៃប៉ះទង្គិចជាមួយក្រុមអ្នកតវ៉ាប្រឆាំងក្នុងទីក្រុងបាងកក។ សហរដ្ឋអាមេរិកគ្រោងនឹងសម្រេចចិត្តទៅលើវ៉ាក់សាំងកូវីដដូសជំរុញបន្ថែម។ ក្រុមប្រឆាំងតវ៉ាដ៏ធំបំផុតនៅក្រុងហុងកុងប្រកាសរំសាយខ្លួន។ នាយករដ្ឋមន្រ្តីម៉ាឡេស៊ីលោក Muhyiddin លាលែងពីតំណែងបន្ទាប់ពីភាពវឹកវរ ១៧ខែ៕
ព័ត៌មានពេលរាត្រី៖ ១៧ សីហា ២០២១
ព័ត៌មានអំពីកម្ពុជាមានដូចជា មួយសប្តាហ៍ចុងក្រោយ មនុស្សប្រមាណ២ម៉ឺននាក់ត្រូវ«អប់រំនិងពិន័យ» ខណៈ៥០នាក់បញ្ជូនទៅតុលាការ រឿងបំពានបម្រាមកូវីដ១៩។ គ្រួសារនិងក្រុមសិទ្ធិមនុស្សអំពាវនាវឲ្យដោះលែងលោក រ៉ុង ឈុន និងអ្នកផ្សេងទៀត មុនពេលតុលាការប្រកាសសាលក្រម។ មេធាវីលោក ខៀវ សំផន អះអាងថា«ភស្តុតាងមិនគ្រប់គ្រាន់»ក្នុងការចោទប្រកាន់ឧក្រិដ្ឋកម្មសម្លាប់ជនជាតិវៀតណាម។ អ្នកវិភាគជំរុញឱ្យចិន និងកម្ពុជាពិចារណាឡើងវិញលើកញ្ចប់សំណងពាក់ព័ន្ធនឹងគម្រោងទំនប់វារីអគ្គិសនី។ រីឯព័ត៌មានអន្តរជាតិវិញមានដូចជា សហរដ្ឋអាមេរិកនឹងរក្សាវត្តមានការទូតនៅអាកាសយានដ្ឋានកាប៊ុល ដរាបណាមានសុវត្ថិភាព។ ព្យុះត្រូពិកធ្វើឲ្យមានភ្លៀងយ៉ាងខ្លាំងនៅហៃទី ប៉ុន្មានថ្ងៃបន្ទាប់ពីគ្រោះរញ្ជួយដីដ៏ខ្លាំង។ រដ្ឋបាលរបស់លោក Biden ជំរុញប្រជាជនអាមេរិកាំងឲ្យចាក់វ៉ាក់សាំងកូវីដ១៩ ដូសទី ៣។ មេដឹកនាំហុងកុងថា ក្រុមខុសច្បាប់គួរតែត្រូវរំលាយ។ ចំនួនអ្នកស្លាប់ដោយទឹកជំនន់នៅតួកគីកើនឡើងដល់ ៧៧នាក់។ អគ្គលេខាធិការអង្គការសហប្រជាជាតិជំរុញឲ្យក្រុមតាលីបង់ការពារអាយុជីវិតពលរដ្ឋអាហ្វហ្គានីស្ថាន៕