កម្មវិធីវិទ្យុ
ព័ត៌មានពេលព្រឹក៖ ១៨ សីហា ២០២១
ព័ត៌មានអំពីកម្ពុជាមានដូចជា គ្រួសារនិងក្រុមសិទ្ធិមនុស្សអំពាវនាវឲ្យដោះលែងលោក រ៉ុង ឈុន និងអ្នកផ្សេងទៀត មុនពេលតុលាការប្រកាសសាលក្រម។ រីឯព័ត៌មានអន្តរជាតិវិញមានដូចជា សុន្ទរកថាលោក Biden អំពីអាហ្វហ្គានីស្ថានមានប្រតិកម្មចម្រុះ។ ប្រទេសចិនថា ខ្លួនត្រៀមធ្វើការជាមួយក្រុមតាលីបង់ក្នុងប្រទេសអាហ្វហ្គានីស្ថាន។ តើនឹងមានអ្វីកើតឡើង៖ ស្ថានភាពក្នុងប្រទេសអាហ្វហ្គានីស្ថាន។ អគ្គលេខាធិការអង្គការសហប្រជាជាតិជំរុញឲ្យក្រុមតាលីបង់ការពារអាយុជីវិតពលរដ្ឋអាហ្វហ្គានីស្ថាន។ តើក្រុមតាលីបង់បានលុយមកពីណាខ្លះ? អ្នកជាប់ឃុំឃាំងថា ចិនមានពន្ធនាគារសម្ងាត់ក្នុងទីក្រុងឌូបៃ និងមានឃុំឃាំងជនជាតិអ៊ុយហ្គ័រ។ គយអាមេរិករឹបអូសបណ្ណចាក់វ៉ាក់សាំងកូវីដក្លែងក្លាយ៕
ព័ត៌មានពេលរាត្រី៖ ១៨ សីហា ២០២១
ព័ត៌មានអំពីកម្ពុជាមានដូចជា តុលាការកាត់ទោសលោក រ៉ុង ឈុន ដាក់ពន្ធនាគារ២ឆ្នាំ ពាក់ព័ន្ធនឹងការរិះគន់អំពីបញ្ហាព្រំដែន។ រដ្ឋាភិបាលអន្តរាគមន៍ទិញផ្លែមៀន បញ្ចៀសវិបត្តិមិនអាចលក់ទៅប្រទេសថៃ។ ក្រសួងធនធានទឹក៖ កម្ពុជាអាចរងឥទ្ធិពលកាំរស្មីព្រះអាទិត្យ UV ដែលត្រូវការពារភ្នែកនិងស្បែក។ រីឯព័ត៌មានអន្តរជាតិវិញមានដូចជា សហរដ្ឋអាមេរិកទាក់ទងជាមួយពួកតាលីបង់នៅទីក្រុងកាប៊ុលពេលបង្កើនការជម្លៀស។ តើពិភពលោកនឹងជួយជនភៀសខ្លួនអាហ្វហ្គានីស្ថានយ៉ាងដូចម្តេច? ការប្តេជ្ញារបស់លោក Biden ដឹកជនជាតិអាហ្វហ្គានីស្ថានចេញមានបញ្ហាពេលវេលា និងហានិភ័យ។ បំណែកសាកសពមនុស្សជាប់កងយន្តហោះអាមេរិកហោះចេញអាកាសយានដ្ឋានក្រុងកាប៊ុល។ ស្ត្រីនិងកុមារអាហ្វហ្គានីស្ថានប្រឈមនឹងអនាគតមិនប្រាកដប្រជា។ លោក Biden ពិភាក្សាការចាក់វ៉ាក់សាំងកូវីដ១៩ដូសជំរុញ៕