កម្មវិធីវិទ្យុ
ព័ត៌មានពេលព្រឹក៖ ១ មិថុនា ២០២១
ព័ត៌មានអំពីកម្ពុជាមានដូចជា ក្រុមសិទ្ធិមនុស្សអាមេរិក ជំរុញមន្ត្រីការទូតជាន់ខ្ពស់អាមេរិកដែលធ្វើទស្សនកិច្ចនៅកម្ពុជាឲ្យស្តារសិទ្ធិនយោបាយនិងពលរដ្ឋឡើងវិញ។ ដំណើរទស្សនកិច្ចរបស់អនុរដ្ឋមន្រ្តីការបរទេសអាមេរិកត្រូវបានជំរុញឲ្យលើកឡើងអំពីការស្តារលទ្ធិប្រជាធិបតេយ្យនិងការគោរពសិទ្ធិមនុស្សនៅកម្ពុជា។ បុរសពីរនាក់ត្រូវចោទប្រកាន់និងឃុំខ្លួនពាក់ព័ន្ធករណីពុលស្រាសនៅខេត្តកំពត។ រីឯព័ត៌មានអន្តរជាតិវិញមានដូចជា អ៊ីរ៉ង់ថា កិច្ចពិភាក្សាស្តីពីនុយក្លេអ៊ែររីកចម្រើនទៅមុខ ប៉ុន្តែនៅមានបញ្ហាមួយចំនួន។ វិទ្យុដាណឺម៉ាកផ្សាយថា អាមេរិកស៊ើបការណ៍លើអធិការបតីអាល្លឺម៉ង់និងមន្ត្រីអឺរ៉ុបមួយចំនួនទៀត តាមរយៈប្រព័ន្ធទាក់ទងដាណឺម៉ាក។ អង្គការសហប្រជាជាតិថា ការធ្លាក់ចុះសេដ្ឋកិច្ចនៅមីយ៉ាន់ម៉ានឹងជំរុញកំណើនផលិតកម្មអាភៀន។ ទីភ្នាក់ងារសន្តិសុខអង់គ្លេសនិងបស្ចិមប្រទេសជួយទីភ្នាក់ងារស៊ើបការណ៍អាមេរិកស៊ើបរកប្រភពដើមនៃវីរុសកូរ៉ូណាក្នុងទីក្រុង Wuhan។ រដ្ឋាភិបាលចិននឹងអនុញ្ញាតឲ្យពលរដ្ឋអាចមានកូន ៣នាក់ ក្នុងមួយគ្រួសារ៕
ព័ត៌មានពេលរាត្រី៖ ១ មិថុនា ២០២១
ព័ត៌មានអំពីកម្ពុជាមានដូចជា អនុរដ្ឋមន្ត្រីការបរទេសសហរដ្ឋអាមេរិកធ្វើទស្សនកិច្ចនៅកម្ពុជា ចំពេលវិបត្តិសិទ្ធិមនុស្សកាន់តែអាក្រក់។ ក្រុមសហជីពនៅកាស៊ីណូ Naga រៀបចំបណ្តឹងប្រឆាំងការរំលោភសិទ្ធិការងារ។ អង្គការសង្គមស៊ីវិលជំរុញរដ្ឋាភិបាលដោះស្រាយបញ្ហាកុមាររងគ្រោះអំឡុងពេលវិបត្តិជំងឺកូវីដ១៩។ ការឆ្លងជំងឺកូវីដ១៩ នៅតាមពន្ធនាគារបន្តកើនឡើង និងមានករណីស្លាប់ម្នាក់នៅខេត្តកំពង់ស្ពឺ។ រដ្ឋាភិបាលកម្ពុជានិងទីភ្នាក់ងារសហប្រជាជាតិសហការគ្នាបង្កើតគោលនយោបាយគាំពារមនុស្សចាស់។ រីឯព័ត៌មានអន្តរជាតិវិញមានដូចជា មួយសតវត្សរ៍ក្រោយមក អាមេរិករំឭកអំពីការសម្លាប់រង្គាលជាតិសាសន៍។ បារាំងនិងអង់គ្លេសពង្រីកលទ្ធភាពចាក់វ៉ាក់សាំងកូវីដ១៩។ គណបក្សគ្រប់គ្រងប្រទេសកូរ៉េខាងជើងបង្កើតតំណែងថ្មីក្រោមការដឹកនាំរបស់លោក គីម ជុងអ៊ុន និងព័ត៌មានអន្តរជាតិមួយចំនួនទៀត៕