កម្មវិធីវិទ្យុ
ព័ត៌មានពេលព្រឹក៖ ៦ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា សមាគមអាដហុកថា ការបង្ក្រាបក្រុមអ្នករិះគន់និងបាតុករអហិង្សាឡើងកម្តៅខ្លាំងក្នុងឆ្នាំ២០២០។ តុលារការចោទប្រកាន់អតីតឧត្តមសេនីយ៍ម្នាក់នៅកងអង្គរក្ស ក្រោយហិង្សាដីធ្លី។ រីឯព័ត៌មានអន្តរជាតិវិញមានដូចជា ចិនជិតនាំមុខអាមេរិកជាអ្នកផ្គត់ផ្គង់ថាមពលនុយក្លេអ៊ែរឈានមុខគេ។ អ្នកវិភាគលើកឡើងថា ការដណ្តើមអំណាចរបស់ក្រុមយោធាក្នុងប្រទេសមីយ៉ាន់ម៉ា នឹងប៉ះពាល់ដល់លទ្ធិប្រជាធិបតេយ្យ និងសេដ្ឋកិច្ច៕
ព័ត៌មានពេលរាត្រី៖ ៦ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា រឿងភាគ GLOW របស់ Netflix បង្ហាញអត្តសញ្ញាណខ្មែររបស់តារាហូលីវូដ Ellen Wong។ វត្ថុបុរាណជាង១០០នឹងត្រូវបញ្ជូនមកកម្ពុជាវិញ ក្រោយត្រូវកាន់កាប់ដោយអ្នកជំនាញដែលត្រូវចោទប្រកាន់ថាបានលួចវត្ថុបុរាណខ្មែរ។ ខ្លឹមសារសន្ទនាឯកជនលើបណ្តាញសង្គមគ្របដណ្តប់សវនាការជុំទីពីររបស់លោក រ៉ុង ឈុន។ មន្ត្រីកម្ពុជាកំពុងរកវិធីឆ្លើយតបនឹងការតវ៉ារបស់វៀតណាមរឿងហាមនាំចូលត្រី។ រីឯព័ត៌មានអន្តរជាតិវិញមានដូចជា ព្រឹទ្ធសភាអាមេរិកថ្លឹងថ្លែងតួនាទីរបស់លោក Trump ក្នុងកុបកម្មនៅវិមានសភា។ បណ្ដាប្រទេសនៅទ្វីបអាហ្វ្រិកបន្តការបង្កើតប្លុកពាណិជ្ជកម្មសេរីសម្រាប់ទ្វីបនេះ ទោះបីជាមានការរាតត្បាតជំងឺកូវីដ១៩ក្តី។ ស្ត្រីស៊ីមបាវ៉េកំពុងបង្កើនការតស៊ូមតិប្រឆាំងសិទ្ធិកាន់កាប់ទ្រព្យសម្បត្តិ។ ក្រុមអ្នកស្ម័គ្រចិត្តជួយសម្អាតឆ្នេរនានានៅទីក្រុង Miami។ មនុស្សបាត់បង់ទីលំនៅរាប់ពាន់នាក់ ប្រឈមនឹងភាពអត់ឃ្លានដោយសារអំពើហិង្សានៅតំបន់ Darfur៕