កម្មវិធីវិទ្យុ
ព័ត៌មានពេលព្រឹក៖ ៥ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា ការសិក្សាថ្មីរកឃើញថា ការអភិវឌ្ឍតំបន់ឆ្នេរ«គំរាមកំហែង»បរិស្ថាននិងសហគមន៍នេសាទ។ ចិនគ្រោងនាំយកជំនួយវ៉ាក់សាំងកូវីដ១៩ ចំនួន៦០ម៉ឺនដូសដំបូងមកដល់ភ្នំពេញនៅថ្ងៃអាទិត្យ។ រីឯព័ត៌មានអន្តរជាតិវិញមានដូចជា សហរដ្ឋអាមេរិកចាត់ទុកការដណ្តើមអំណាចដោយក្រុមយោធាក្នុងប្រទេសមីយ៉ាន់ម៉ា ថាជារដ្ឋប្រហារ។ លោក Biden ផ្តោតលើគោលនយោបាយការបរទេសនៅក្នុងសុន្ទរកថានៅថ្ងៃព្រហស្បតិ៍។ ប្រធានអង្គការអូតង់ បានសារភាពពីបញ្ហាប្រឈមនិងទំនាក់ទំនងដ៏លំបាកជាមួយអតីតប្រធានាធិបតី Trump។ ការតវ៉ារបស់កសិករឥណ្ឌាបង្ហាញពីភាពអត់ការងារធ្វើរបស់យុវជន។ តុលាការប៊ែលហ្ស៊ិកកាត់ទោសអ្នកការទូតអ៊ីរ៉ង់ឲ្យជាប់គុក២០ឆ្នាំពីបទរៀបចំបំផ្ទុះគ្រាប់បែក។ តុលាការព្រហ្មទណ្ឌអន្តរជាតិកាត់ទោសស្តេចសង្គ្រាមប្រទេសអ៊ុយហ្គង់ដា។ រដ្ឋអាជ្ញារដ្ឋ Wisconsin ស្វះស្វែងរកចាប់ខ្លួនជនជាប់ចោទ Rittenhouse ដោយដាក់ប្រាក់ធានានៅក្រៅឃុំច្រើន៕
ព័ត៌មានពេលរាត្រី៖ ៥ កុម្ភៈ ២០២១
ព័ត៌មានអំពីកម្ពុជាមានដូចជា តុលាការចោទប្រកាន់អតីតឧត្ដមសេនីយ៍ម្នាក់នៅកងអង្គរក្ស ក្រោយហិង្សារឿងដីធ្លី។ សមាគមអាដហុកថា ការបង្ក្រាបក្រុមអ្នករិះគន់ និងបាតុករអហិង្សាឡើងកម្តៅខ្លាំងក្នុងឆ្នាំ ២០២០។ រីឯព័ត៌មានអន្តរជាតិវិញមានដូចជា សហរដ្ឋអាមេរិកសម្ដែងការព្រួយបារម្ភអំពីស្ថានភាពនៅមីយ៉ាន់ម៉ាទៅកាន់ឯកអគ្គរដ្ឋទូតអាស៊ាន។ ឥណ្ឌូណេស៊ី និងម៉ាឡេស៊ីស្នើឲ្យមានការប្រជុំអាស៊ាន អំពីមីយ៉ាន់ម៉ា បន្ទាប់ពីមានរដ្ឋប្រហារយោធា។ លោក Biden សន្យាថា សហរដ្ឋអាមេរិកនឹងចូលរួមឡើងវិញជាមួយពិភពលោក។ លោក Trump បដិសេធសំណើរបស់សភា ក្នុងការផ្ដល់សក្ខីកម្មនៅក្នុងសវនាការកាត់ទោសលោក។ ក្រុមហ៊ុន Johnson & Johnson ស្នើសុំការអនុញ្ញាតឲ្យប្រើវ៉ាក់សំាងរបស់ខ្លួនក្នុងគ្រាអាសន្ន។ ការតវ៉ារបស់កសិករឥណ្ឌាបង្ហាញពីភាពអត់ការងារធ្វើរបស់យុវជន។ អ្នកជំនាញថា ចិនកំពុងប្រើគុណសម្បត្តិដែលខ្លួនមានក្នុងទស្សនកិច្ចនិងកិច្ចព្រមព្រៀងថ្មីៗនៅមីយ៉ាន់ម៉ា និងព័ត៌មានអន្តរជាតិសំខាន់ៗមួយចំនួនទៀត៕