កម្មវិធីវិទ្យុ
ព័ត៌មានពេលព្រឹក៖ ៤ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា ខ្លឹមសារសន្ទនាឯកជនលើបណ្តាញសង្គមគ្របដណ្តប់សវនាការជុំទីពីររបស់លោក រ៉ុង ឈុន។ កម្ពុជាផ្អាកសមយុទ្ធរួម «នាគមាស» ជាមួយចិននៅឆ្នាំ ២០២១។ រីឯព័ត៌មានអន្តរជាតិវិញមានដូចជា កសិករឥណ្ឌាដែលកំពុងបាតុកម្ម បំបែកចូលបន្ទាយប្រវត្តិសាស្ត្រ Red Fort។ រដ្ឋមន្រ្តីការពារជាតិអាមេរិកថ្មី ផ្លាស់ប្តូរក្រុមប្រឹក្សាភិបាលការពារជាតិនិងបណ្តេញអ្នកស្មោះត្រង់នឹងលោក ត្រាំ។ អ្នកស្រី Aung San Suu Kyi ត្រូវបានចោទប្រកាន់ពីបទរំលោភច្បាប់អាហរណ៍នីហរណ៍របស់ប្រទេសមីយ៉ាន់ម៉ា។ សាកលវិទ្យាល័យ Oxford បញ្ជាក់ថា វ៉ាក់សាំងក្រុមហ៊ុន AstraZeneca កាត់បន្ថយការចម្លងវីរុសកូរ៉ូណា។ ការបាញ់បង្ហោះយានអវកាស SpaceX Rocket Prototype ទទួលបរាជ័យក្នុងពេលបាញ់សាកល្បង។ មរណភាពលោកអនុសេនីយឯក «Tom» នៅចក្រភពអង់គ្លេស ធ្វើឲ្យមានការសោកស្តាយនិងកោតសរសើរយ៉ាងច្រើន៕
ព័ត៌មានពេលរាត្រី៖ ៤ កុម្ភៈ ២០២១
ព័ត៌មានអំពីកម្ពុជាមានដូចជា ការសិក្សាថ្មីបង្ហាញថា ការអភិវឌ្ឍតំបន់ឆ្នេរ«គំរាមកំហែង»បរិស្ថាននិងសហគមន៍នេសាទ។ ចិនគ្រោងនាំជំនួយវ៉ាក់សាំងកូវីដ១៩មកដល់ភ្នំពេញដំបូង៦០ម៉ឺនដូសនៅថ្ងៃអាទិត្យ។ នៅក្នុងកម្មវិធី Hello VOA មានកិច្ចពិភាក្សាអំពី «ឥទ្ធិពលនៃរដ្ឋប្រហារមីយ៉ាន់ម៉ានៅកម្រិតតំបន់និងសកលលោក»។ រីឯព័ត៌មានអន្តរជាតិវិញមានដូចជា អគ្គលេខាធិការអង្គការសហប្រជាជាតិថា រដ្ឋប្រហារ«ដែលមិនអាចទទួលយកបាន»នៅមីយ៉ាន់ម៉ា ត្រូវតែបរាជ័យ។ ក្រុមហ៊ុនអ៊ីនធឺណិតនៅមីយ៉ាន់ម៉ាបិទហ្វេសប៊ុក បន្ទាប់ពីមានបញ្ជាពីរដ្ឋាភិបាល។ លោក Biden នៅតែប្តេជ្ញាផ្តល់ថវិកាជំនួយចំនួន ១.៤០០ ដុល្លារដល់ពលរដ្ឋម្នាក់ៗ។ នាវាចម្បាំងអាមេរិកដំបូងឆ្លងកាត់ច្រកសមុទ្រតៃវ៉ាន់ ចាប់តំាងពីលោក Biden ចូលកាន់តំណែងមក។ ចក្រភពអង់គ្លេសចាប់ផ្តើមសិក្សាដើម្បីពិនិត្យមើលថាតើវ៉ាក់សាំងបង្ការជំងឺកូវីដ១៩ផ្សេងគ្នា អាចប្រើរួមគ្នាបានឬក៏យ៉ាងណា។ លោក Moon និងលោកBiden យល់ព្រមធ្វើការជាមួយគ្នាទៅលើយុទ្ធសាស្ត្ររួមចំពោះកូរ៉េខាងជើង។ ប្រទេសកាណាដាកំណត់ក្រុម Proud Boys ជាអង្គភាពភេរវកម្ម។ ក្រុមអ្នកស្រាវជ្រាវនៃអង្គការ WHO ធ្វើទស្សនកិច្ចនៅមន្ទីរពិសោធន៍វីរុសក្នុងក្រុង Wuhan៕
