កម្មវិធីវិទ្យុ
ព័ត៌មានពេលព្រឹក៖ ១៦ មករា ២០២១
ព័ត៌មានអំពីកម្ពុជាមានដូចជា ការចុះបញ្ជិកាសហជីពនិងបញ្ហាព្រំដែនគ្របដណ្តប់សវនាការកាត់ទោសលោក រ៉ុង ឈុន។ មេដឹកនាំបក្សសង្គ្រោះជាតិរក្សាសុទ្ទិដ្ឋិនិយមនឹងលទ្ធិប្រជាធិបតេយ្យអាមេរិកាំង។ ព័ត៌មានអន្តរជាតិវិញមានដូចជា អង្គការសហប្រជាជាតិថ្កោលទោសការបង្រ្កាបសេរីភាពក្នុងការបញ្ចេញមតិនៅវៀតណាម។ លោកអនុប្រធានាធិបតីធ្វើទស្សនកិច្ចមិនបានគ្រោងទុក ទៅជួបកងទ័ពដែលការពារវិមានសភា។ ការរញ្ជួយដីខ្លាំងនៅឥណ្ឌូណេស៊ីបណ្តាលឱ្យមនុស្សយ៉ាងតិច៤២នាក់ស្លាប់។ ប្រទេសចិនរាយការណ៍ពីការស្លាប់ដោយសារជំងឺកូវីដ១៩ លើកទី១ក្នុងរយៈពេល៨ខែ។ ក្រុមរាជានិយមថៃនិយាយថា «ភាពស្មោះត្រង់»លើរាជាធិបតេយ្យឈ្នះ ខណៈការតវ៉ាស្ងាត់ស្ងៀម។ ប្រទេសរុស្ស៊ីប្រកាសចាកចេញពីសន្ធិសញ្ញា Open Skies ដោយសារសហរដ្ឋអាមេរិកដកខ្លួន។ ប្រទេសហ្វ៊ីជីបានតំណែងប្រធានអង្គការសិទ្ធិមនុស្សអង្គការសហប្រជាជាតិ បន្ទាប់ពីបោះឆ្នោតបំបែកភាពជាប់គាំងរើសអ្នកដឹកនាំ។ ម៉ិកសិកលើកលែងការចោទប្រកាន់អតីតរដ្ឋមន្រ្តីក្រសួងការពារជាតិរឿងគ្រឿងញៀន៕
ព័ត៌មានពេលរាត្រី៖ ១៦ មករា ២០២១
ព័ត៌មានសំខាន់ៗមានដូចជា នាយកសំឡេងសហរដ្ឋអាមេរិកប្តូរការងារអ្នកឆ្លើយឆ្លងព័ត៌មានប្រចាំសេតវិមានរបស់វីអូអេ។ ចំនួនប្រជាជនកូរ៉េខាងត្បូងធ្លាក់ចុះជាលើកដំបូងនៅក្នុងឆ្នាំ២០២០។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» មានការពិភាក្សាអំពី «ការទូតសេដ្ឋកិច្ច»៕
