កម្មវិធីវិទ្យុ
ព័ត៌មានពេលព្រឹក៖ ១៥ មករា ២០២១
ព័ត៌មានអំពីកម្ពុជាមានដូចជា លោក ហ៊ុន សែន ព្រមាន«មិនអត់ឱន»ឲ្យអ្នកសារព័ត៌មានណាដែលបំពានច្បាប់និងមិនគោរពវិជ្ជាជីវៈ។ ព័ត៌មានអន្តរជាតិវិញមានដូចជា លោកPompeo និយាយការពារការផ្លាស់ប្តូរនៅ USAGM ក្រោមថ្នាក់ដឹកនាំដែលលោក Trump តែងតាំង។ លោក Biden នឹងប្រកាសពីផែនការសង្គ្រោះនិងប្រឆាំងវីរុសកូរ៉ូណា។ តុលាការជាន់ខ្ពស់កូរ៉េខាងត្បូងរក្សាទុកទោសជាប់ពន្ធនាគាររបស់អ្នកស្រី Park អតីតប្រធានាធិបតី។ អគ្គិភ័យបំផ្លាញផ្ទះរាប់រយខ្នងក្នុងជំរំជនភៀសខ្លួន រ៉ូហ៊ីងយ៉ាក្នុងប្រទេសបង់ក្លាដេស។ ប៉ូលិសក្នុងទីក្រុងប៊ុ្រចសែលចាប់អ្នកប្រឆាំងតវ៉ា១១៦នាក់ ជុំវិញការស្លាប់បុរសស្បែកខ្មៅម្នាក់ និងព័ត៌មានផ្សេងៗទៀត៕
ព័ត៌មានពេលរាត្រី៖ ១៥ មករា ២០២១
ព័ត៌មានអំពីកម្ពុជាមានដូចជា ពលករខ្មែរមកពីថៃ១៥នាក់ទៀតឆ្លងជំងឺកូវីដ ខណៈរដ្ឋាភិបាលកម្ពុជាស្នើពលករឲ្យបន្តស្នាក់នៅទីនោះ។ ការវាយប្រហារវិមានសភាធ្វើឲ្យពលរដ្ឋកម្ពុជាមួយចំនួន សង្ស័យអំពីប្រជាធិបតេយ្យអាមេរិក។ ការចុះបញ្ជិកាសហជីពនិងបញ្ហាព្រំដែនគ្របដណ្តប់សវនាការកាត់ទោសលោក រ៉ុង ឈុន។ ព័ត៌មានអន្តរជាតិវិញមានដូចជា សមត្ថកិច្ចពង្រឹងសន្តិសុខសម្រាប់ពិធីស្បថចូលកាន់តំណែងរបស់លោក Biden។ លោក Biden ប្រកាសកញ្ចប់ជំនួយគ្រាវិបត្តិកូវីដ១៩ ដែលមានទឹកប្រាក់ ១.៩ លានលានដុល្លារ។ អាជ្ញាធរបង្កើនការការពារនៅជុំវិញវិមានសភាអាមេរិក នៅមុនពិធីចូលកាន់តំណែងរបស់លោក Biden នៅសប្តាហ៍ក្រោយ។ ក្រុមរដ្ឋអាជ្ញាពីរដ្ឋសភាដែលដឹកនាំការចោទប្រកាន់ដកប្រធានាធិបតីចេញពីតំណែងរៀបចំគម្រោងរឿងក្តីដ៏ល្អិតល្អន់ប្រឆាំងនឹងលោក Trump។ រដ្ឋបាលរបស់លោក Trump ចាត់វិធានការចុងក្រោយ មុនផុតអាណត្តិប្រឆាំងនឹងក្រុមហ៊ុនចិន។ ប្រព័ន្ធផ្សព្វផ្សាយព័ត៌មានក្នុងស្រុក៖ រយៈពេលជាប់ពន្ធនាគារកើនឡើងទ្វេដងនៅក្នុងករណីរំលោភសេពសន្ថវៈ និងបំពានផ្លូវភេទនៅម៉ាឡាវី។ ខណៈប្រឈមវិបត្តិសេដ្ឋកិច្ច កូរ៉េខាងជើងសារភាពពីបរាជ័យនិងភាពមិនប្រាកដប្រជាសម្រាប់ពេលអនាគត និងព័ត៌មានផ្សេងៗទៀត៕
