د پاکستان د پوځ مقاماتو نن د مارچ ۱۶ (کب ۲۶) وویل چې د دغه هېواد اووه سرتېري هغه مهال ووژل شول چې شپږو بریدګرو پر یوې امنیتي پوستې برید وکړ.
د هند ټاکنیزو مقاماتو د شنبې په ورځ، مارچ ۱۶ (کب ۲۶) اعلان وکړ چې هند به د اپریل په ۱۹مه د پارلماني ټاکنو لپاره د رای ورکولو بهیر پیل کړي.
متحده ایالاتو او متحدینو یې جمعه مارچ ۱۵ (کب ۲۵) خبرداری ورکړ که ایران په اوکراین کې د جګړې کولو لپاره روسیې ته بالاستیک توغندي ورکړي، د لویدیځو هیوادونو ستر اقتصادي بندیزونه به پرې ولګول شي.
د ترکیې مقاماتو د جمعې په ورځ مارچ ۱۵ (کب ۲۵) وویل چې ددغه هېواد ساحل ته څېرمه د ایجین په سمندرګي کې د کډوالو یوه کښتۍ ډوبه شوې او لږ تر لږه اته کسان پکې مړه شوي دي.
د فلسطین خپلواکې ادارې رسمي خبري اژانس پنجشنبه مارچ ۱۴ (کب ۲۴) ویلي چې جمهور رئیس محمود عبادس خپل د اقتصادي چارو یو سابقه لرونکي سلاکار، محمد مصطفی د نوي صدراعظم په توګه وټاکه.
د اروپایي اتحادیې د بهرنۍ پالیسۍ مشر جوسیپ بوریل پنجشنبه مارچ ۱۴ (کب۲۴) خبرداری ورکړ چې په اوکراین کې جګړه ښایي په راتلونکو میاشتو کې فیصله شي او د متحدینو څخه یې وغوښتل چې کیف ته مرستې چټکې کړي.
د سوریې د جګړې د دیارلسمې کلیزې په درشل کې، په بریتانیا کې میشت د سوریې د بشري حقونو د څار ډله وايي چې د سوریې په جګړه کې تر ۵۰۰ زره زیات کسان وژل شوي دي.
په غزه کې د اسرائیلي ځواکونو قوماندان د خپل هېواد پر سياسي مشرتابه په بې سارې نيوکې سره له هغوی غوښتي چې د هغو اسرائیلي سرتیرو [د خدمت] "وړ" واوسي چې د فلسطين په خاوره کې د حماس پر وړاندې جنګیږي.
د روسیې په پلازمینه مسکو کې یوې محکمې د پوهنتون دوه محصلین ددغه هېواد د اپوزیسیون له پخواني مشر الکسي ناوالني سره د اړیکو په تور په درې کاله بند محکوم کړل.
ټاکل شوې چې د شهباز شریف په مشرۍ د پاکستان نوی حکومت او د پیسو نړیوال وجهي صندوق (آی ایم ایف ) استازي په همدې روانې اوونۍ کې پدې وغږیږي چې آیا پاکستان د ۱.۱ ملیارد ډالرو مالي مرستو تر لاسه کولو لپاره شرایط پر ځای کړي که نه.
وروسته له هغې چې د اروپايي ټولنې یو جګپوړي ډپلوماټ وویل چې د غزې په تړانګه کې لوږه "د جګړې په وسیلې" بدله شوې ده، مرستندویه هیوادونو او خیریه ټولنو د چهار شنبې په ورځ، مارچ ۱۳ (کب ۲۳مه) د ځمکې، هوا او سمندر له لارې دغه جګړه ځپلې سیمې ته د خوراکي توکو د رسولو لپاره هلې ځلې پیل کړې.
د پاکستان پوځ د چهارشنبه په ورځ مارچ ۱۳ (کب ۲۳) خبر ورکړ چې د عربو په سمندر کې د یوې کښتۍ د ډوبیدو له امله دولس تنه پاکستاني کب نیونکي مړه شوي دي.
نور پورته کول
