پاکستان د پنجشنبې په ورځ مارچ ۲۱ (وري دوهمه) د امریکا هغه خبرداری رد کړ چې که د تېرې میاشتې په انتخاباتو کې د بې نظمیو ارزونه ونه شي د دواړو هېوادونو اړیکې به زیانمنې شي.
د روسیې هوايي بریدونو د پنجشنبې په ورځ مارچ ۲۱ (وري ۲) د اوکراین پایتخت کیف په نښه کړ او د اوکراین هوايي ځواک وویل چې د روسیې ټول ۳۱ توغندي یې ویشتلي دي.
متحدو ایالتونو د چهارشنبې په ورځ مارچ ۲۰ (حمل لومړۍ) وویل که پاکستان د انتخاباتي بې نظمیو په اړه تحقیقات ونکړي، د دواړو هېوادونو ترمنځ روابط به زیانمن شي.
د افغانستان او پاکستان ترمنځ له وروستیو پوځي ترینګلتیا وروسته د پاکستان د دفاع وزیر خواجه اصف وايي، هېواد یې نه غواړي له افغانستان سره په وسله واله جګړه کې ښکېل شي.
د اوکراین له خوا په جګړه کې نیول شويو یو شمېر بهرنيو سرتیرو ویلي چې دوی په اسیا، کارابین او افریقا کې له خپلو کورونو څخه د روزګار په لټه وتلي وو او د روسیې له خوا په چل او فریب د جګړې لومړۍ کرښې ته لیږل شوي دي.
د پیسو نړیوال صندوق د چهارشنبې په ورځ مارچ ۲۰ (وري اول) اعلان وکړ چې د پاکستان له حکومت سره د درې میلیارد ډالرو پور د وروستي قسط د ورکړې په اړه لومړنۍ هوکړې ته رسېدلي دي.
د پاکستان پولیسو د چهارشنبې په ورځ، مارچ ۲۰ (وری لومړی نېټه) وویل، هغه دوه میرمنې چې یو ښوونکی یې اسلامي مقدساتو ته د سپکاوي په تور وژلې و، په اعدام محکومې شوې.
د پاکستان په بلوچستان ایالت کې د چهارشنبې په ورځ مارچ ۲۰ (وري ۱) د ډبرو سکرو له یو نړېدلي کان څخه د ۱۰ نور کسانو مړي وایستل شول او پېښې د قربانیانو شمېر ۱۲ ته ورسېد.
چین د متحدو ایالتونو د بهرنیو چارو د وزیر انتوني بلینکن په هغو څرګندونو تند غبرګون ښودلی دی چې وايي که په لانجمنو اوبو کې په فیلیپین باندې وسله وال برید وشو، واشنګټن د هغه هېواد د دفاع لپاره په خپلو ژمنو ولاړ دی.
په جرمني کې چارواکي وايي دوه افغانان یې د سویډن د پارلمان په ودانۍ باندې د برید د توطیې جوړولو په شک نیولي دي.
د اروپايي ټولنې د بهرنۍ تګلارې مشر جوسیپ بوریل د دوشنبې په ورځ مارچ ۱۸ (حوت۲۸) وویل چې د اسرائیل پوځي عملیاتو غزه په «یوی لویې سر خلاصې هدیرې» بدله کړې ده.
د اروپايي ټولنې د بهرنۍ تګلارې مشر جوزیپ بوریل وايي چې د شپږو نورو کالونو لپاره د روسیې د ولسمشر په توګه د ولادمیر پوتین بیا انتخاب کېدل «ازاد او عادلانه» نه دي.
نور پورته کول