Maafisa wa usalama wa Kenya Jumanne walianza kutoa miili ya waathiriwa kadhaa wa mauwaji yaliyofanywa na dhehebu lililowataka waumini wao wajiuwe kwa kukaa na njaa ili kwenda kukutana na Yesu.
Kutolewa kwa miili hiyo inafanyika karibu mwaka mmoja baada ya kugunduliwa kwa makaburi ya halaiki katika kesi mbaya ambayo ilishangaza ulimwengu.
Familia moja ilipokea miili minne iliyokuwa imepakiwa kwenye gari la kubebea maiti kutoka kwa chumba cha kuhifadhia maiti katika mji wa Malindi, huku wapendwa wao wakiomboleza.
Hiyo ni miili ya kwanza kukabidhiwa familia baada ya miezi kadhaa ya kazi ngumu ya kutambua wathiriwa kupitia utafiti wa vinasaba DNA.
Forum