Watu wawili waangamia kwenye ajali ya ndege ya Nairobi

Kwa mujibu wa shirika la habari la Reuters, tukio hilo lilitokea mwendo wa saa nne asubuhi saa za huko, pale ndege ya chuo cha urubani ilipogongana na ile ya abiria ya kampuni ya Safarilink, idara ya mamlaka ya anga ya Kenya imesema katika taarifa.

Safarilink imesema kwamba hakuna abiria aliyejeruhiwa kwenye ndege yao, iliyokuwa ikielekea kwenye mji wa kitalii wa Diani, uliopo pwani ya Kenya. Kamanda wa polisi wa Nairobi Adamson Bungei hata hivyo amethibitisha kuwa mwanafunzi wa urubani pamoja na mwalimu wake wameangamia kwenye ajali hiyo , bila kutoa taarifa zaidi.