တောင်တရုတ်ပင်လယ်မှာ ဖိလစ်ပိုင်သင်္ဘောတစင်းကို တရုတ်ကတိုက်ခိုက်တာဟာ အန္တရာယ်ကြီးမားလှတယ်လို့ ဖိလစ်ပိုင်သမ္မတ ဖာဒီနန်မာကို့စ်ကဆိုလိုက်ပြီး ပြန်လည် တုံ့ပြန်မယ်လို့လည်း ကြာသပတေးနေ့က ပြောပါတယ်။
တရုတ်ကမ်းခြေစောင့်တပ်တွေက ဖိလစ်ပိုင်သင်္ဘောကို စနေနေ့က ရေပိုက်တွေနဲ့ပက်ခဲ့တာကို ရည်ညွှန်းပြီး ဒါဟာ တရားမဝင်၊ အင်အားသုံး၊ ရန်စ အန္တရာယ်ကြီးမားလှတဲ့ တိုက်ခိုက်မှုအဖြစ် မာကို့စ် ဂျူနီယာက လူမှုစာမျက်နှာ X မှာ ရေးခဲ့ပါတယ်။ နှစ်နိုင်ငံ သူပိုင် ကိုယ်ပိုင် အငြင်းပွါးနေတဲ့နေရာမှာ ခု ဖြစ်ရပ် ဖြစ်ခဲ့တာပါ။
အမေရိကန်က တရုတ်ကမ်းခြေစောင့်တပ်ရဲ့လုပ်ရပ်ကို ရှုတ်ချလိုက်ပြီး ဖိလစ်ပိုင်နဲ့ချုပ်ဆိုခဲ့တဲ့ ၁၉၅၁ နှစ်နိုင်ငံ ကာကွယ်ရေးစာချုပ်ကို ရည်ညွှန်းလိုက်ပါတယ်။
ရန်စမှုဟာ အကောင်းထက်အဆိုးဖြစ်စေမယ်ဆိုတာ ဖိလစ်ပိုင်အနေနဲ့သိဖို့လိုပြီး နိုင်ငံခြား ထောက်ခံမှုကလည်း ဘာမှအရာရောက်မှာမဟုတ်ဘူးလို့ တရုတ်ကာကွယ်ရေးဝန်ကြီးဌာန ပြောရေးဆိုခွင့်ရှိသူ ဝူကျင်းက ကြာသပတေးနေ့က ပြောပါတယ်။
Forum