កម្មវិធីវិទ្យុ
ព័ត៌មានពេលព្រឹក៖ ១ កុម្ភៈ ២០២២
ព័ត៌មានអំពីកម្ពុជាមាន លោក រ៉ុង ឈុន ថា គណបក្សភ្លើងទៀន អាចច្បាមយកអាសនៈឃុំសង្កាត់មកវិញ ក្នុងពេលបោះឆ្នោតថ្នាក់មូលដ្ឋាន។ លោក ហ៊ុន សែន ការពារជំនួបកូនប្រុសច្បងជាមួយព្រះមហាក្សត្រ និងសម្តេចព្រះមហាក្សត្រិយានី។ រីឯព័ត៌មានអន្តរជាតិវិញមាន អាមេរិក អង់គ្លេស និងកាណាដា ដាក់ទណ្ឌកម្មបន្ថែមលើបុគ្គល និងអង្គភាពដែលពាក់ព័ន្ធនឹងរបបយោធាមីយ៉ាន់ម៉ា។ អង្គការសហប្រជាជាតិ ជំរុញរបបយោធាមីយ៉ាន់ម៉ាឲ្យបើកផ្លូវឲ្យមានការផ្តល់ជំនួយដល់ប្រជាពលរដ្ឋមីយ៉ាន់ម៉ា។ អភិបាលក្រុងម៉ានីល សន្យាថានឹងប្រឆាំងចិន ប្រសិនបើជាប់ឆ្នោតជាប្រធានាធិបតីហ្វីលីពីន។ ក្រុមឃ្លាំមើលសិទ្ធិមនុស្សអាមេរិក ព្រមានជាមុនរឿងសុវត្ថិភាពក្រុមកីឡាករអាមេរិកនៅក្នុងព្រឹត្តិការណ៍កីឡាអូឡាំពិកនៅចិន។ សេតវិមាន ប្រកាសផ្តល់វ៉ាក់សាំង២លានដូសឱ្យប្រទេសកេនយ៉ា និងម៉ារ៉ុក៕
ព័ត៌មានពេលរាត្រី៖ ១ កុម្ភៈ ២០២២
ព័ត៌មានអំពីកម្ពុជាមាន បុគ្គលិកនយោជិតក្រុមហ៊ុនណាហ្គាវើលដ៍ រក្សាជំហរបន្តកូដកម្ម ខណៈវិវាទប្រឈមនឹងភាពជាប់គាំង។ ធនាគារពិភពលោក៖ សេដ្ឋកិច្ចកម្ពុជា អាចងើបឡើងវិញបានទៀងទាត់ អាស្រ័យលើពិពិធកម្ម និងការវិនិយោគក្នុងស្រុក។ សេចក្តីដកស្រង់នៃបទសម្ភាសន៍ជាមួយកញ្ញា សេង ធារី ដែលជាមេធាវីខ្មែរអាមេរិកាំង និងជាអ្នកតស៊ូមតិដើម្បីសិទ្ធិមនុស្សនៅប្រទេសកម្ពុជា អំពីការតស៊ូទាមទារសិទ្ធិមនុស្សនៅកម្ពុជា។ រីឯព័ត៌មានអន្តរជាតិវិញមានដូចជា ខួបនៃការរឹបអូសយកអំណាចដោយយោធានៅមីយ៉ាន់ម៉ា ត្រូវកត់សម្គាល់ដោយកូដកម្ម និងការព្រួយកង្វល់របស់អន្តរជាតិ។ រុស្ស៊ីនិងសហរដ្ឋអាមេរិក ចោទប្រកាន់គ្នាទៅវិញទៅមកអំពីបញ្ហាប្រទេសអ៊ុយក្រែននៅឯអង្គការសហប្រជាជាតិ។ លោក Blinken និងលោក Lavrov គ្រោងចរចាគ្នា បន្ទាប់ពីការជជែកដ៏តឹងតែងរវាងសហរដ្ឋអាមេរិកនិងរុស្ស៊ី នៅឯអង្គការសហប្រជាជាតិ។ ក្រុមអង្គការសិទ្ធិមនុស្សជំរុញប្រទេសថៃកុំឲ្យនិរទេសសកម្មជនឡាវ។ ភាពយន្តខ្នាតធំក្នុងអំឡុងវិបត្តិកូវីដ១៩៖ បញ្ចាំងតាមរោងភាពយន្ត ឬតាមអនឡាញ? និងព័ត៌មានផ្សេងៗទៀត៕