Ўзбекистон яна биринчи, Қозоғистон бу гал ҳам етолмади - O‘zbekiston Tokio dunyo yangiliklar

Ўзбекистон ўзининг мустақиллиги тарихидаги иккита энг яхши натижадан биттасини кўрсатди. Марказий Осиёда яна биринчи бўлди. Токио Паралимпиадасининг энг кўп медалини олди. Ягона рекордчиси бўлди.

Қозоғистон Ўзбекистон Токиода қўлга киритган медалларнинг учдан бирини ҳам ололмади.

Қолган бирор бир минтақа давлатига бу йилги Паралимпия Ўйинларининг совринли ўринларига кўтарилиш насиб этмади.

Ўзбекистон Токио Паралимпиадасини 8 та олтин, 5 та кумуш ва 6 та бронза медали билан якунлади.

Бу йилги Паралимпия Ўйинларида Россия Олимпия Қўмитаси, Украина ва Озарбайжондан кейин энг яхши натижа қайд этган тўртта МДҲ давлатидан биттасига айланди.

Осиё ва мусулмон давлатлари орасида яна энг пешқадамларидан бири бўлди.

Умумжамоа ҳисобида 78 совриндор жамоа орасидан 16-ўринни эгаллади.

Тарихий натижа қайд этган 2016 йилги Рио Паралимпиадасидаги ўрнини сақлаб қолди.

Токио Паралимпиадаси

Токио Паралимпия Ўйинларида Ўзбекистонни 48 спортчиси намоён этган.

Ўзбекистонлик паралимпиячилар Ўйинларнинг жами 55 лицензиясини қўлга киритишган.

Бу ҳам Ўзбекистон Паралимпияси тарихидаги иккита энг яхши кўрсаткичдан биттаси бўлган.

Номдор пара-енгил атлетикачиси Ҳусниддин Норбеков Токиода ўзига хос рекорд ўрнатган.

Кетма-кет икки Ёзги Паралимпия Ўйинларининг чемпионига айланган.

Яна бир ядро улоқтирувчиси Бобуржон Омонов эса, янги рекорд билан Токио Паралимпиадаси чемпиони бўлган.

Ўзбекистон Токио Олимпиадаси каби Паралимпиадасини ҳам кетма-кет медаллар билан бошлаган.

Ўйинлар старт олган ўтган уч кун ичида учта медаль қўлга киритганди.

Медаллар

Токио Паралимпиадасининг илк медалини Ўзбекистон терма жамоаси ҳисобига пара-сузувчиси Ислом Асланов келтирган.

У пара-сузиш баҳсларида бронза медалини қўлга киритган.

Бунинг ортидан пара-енгил атлетикачиси Асила Мирзаёрова жамоа ҳисобидаги медаллар сонини яна биттага кўпайтирган.

У Т11 классида аёллар ўртасидаги узунликка сакраш баҳсларида Ўйинларнинг кумуш медалини олишга муваффақ бўлган.

Ўзбекистон Паралимпия терма жамоаси ҳисобидаги илк олтин медаль эса, пара-дзюдочиси ҳисобига тўғри келган.

Унинг Ўйинлардаги ютуғи Навоий вилояти сафарида бўлган мамлакат президентининг эътиборидан ҳам четда қолмаган.

Шавкат Мирзиёев "Навоийазот"АЖда янги лойиҳаларнинг очилиш маросимига бағишланган тадбирда экан, бу хушхабарни бошқалар билан бўлишган.

Токиодан олинган янгиликни шахсан ўзи ўқиб эшиттирган, ўтирган ўрнидан тик туриб, Ўзбекистоннинг ғалабасини қарсаклар билан олқишлаган.

"Бунинг ҳақиқий ғалаба эканини айтаркан, бу ғалаба билан ҳаммани табриклаган".

Токио Паралимпия Ўйинлари 24 август куни тантанали очилган ва 5 сентябрда расман ёпилганди.

Ўзбекистон Паралимпия терма жамоаси кеча, 6 сентябрь куни Тошкентга қайтган.

Паралимпиячиларни ҳам шахсан мамлакат Бош вазири Абдулла Ариповнинг ўзи қарши олган.

Аммо бу галги тантанали маросим асосий қисмининг "Янги Ўзбекистон боғи"да бўлиб ўтгани кўрилган.

Хабарларга кўра, Токио Паралимпиадаси ғолиблари ва совриндорларига президент совғаси худди шу ернинг ўзидаёқ топширилган.

Олтин медаль соҳибларига:

Кумуш медаль соҳибларига:

Бронза медаль соҳибларига:

Ўзбекистон президентининг 25 июнь кунги қарори билан Токио Олимпия ва Паралимпия Ўйинларида ғолиб ва совриндор бўлган Ўзбекистон спортчиларининг:

миқдорида бир марталик пул мукофоти билан рағбатлантирилиши кўзда тутилган.

Харажатларнинг Давлат бюджети маблағлари ҳисобидан қопланиши айтилган.

Бу мустақил Ўзбекистон тарихида совриндор олимпиячиларга ваъда қилинган энг кўп пул мукофотларидан бири бўлади.

Рио Паралимпиадаси

Токиодагиси Ўзбекистон Паралимпия терма жамоаси иштирок этаётган тўртинчи Паралимпия Ўйинлари бўлади.

Сўнгги Рио Ёзги Паралимпия Ўйинларида Ўзбекистонни рекорд сондаги спортчиси намоён этган.

Ўшанда жами ўзбекистонлик 32 нафар паралимпиячи Ўйинларнинг совринли ўринлари учун кураш олиб боришган.

Бу каби катта сондаги паралимпиячининг Ёзги Паралимпия Ўйинларида беллашиши минтақа тарихида кузатилмагани айтилган.

Ўзбекистон XV Рио Ёзги Паралимпиада Ўйинларини тарихий натижа билан ҳам якунлаган.

32 та паралимпиячиси Ўйинларнинг 31 та медалини қўлга киритган.

Бу медалларнинг 8 таси олтин, 6 таси кумуш ва 17 таси бронза бўлган.

Ўзбекистон Рио Паралимпиадасига қадар Марказий Осиё давлатлари орасидан Ёзги Паралимпия Ўйинларининг медалини қўлга киритган ягона мамлакат бўлиб келган.

Ўзбекистон Марказий Осиё давлатлари орасидан ҳисобидаги медалларининг сифати бўйича Ўйинларни энг пешқадам мавқеъда якунлаган.

Жамоа Токио Олимпиадасининг жами 5 та - 3 та олтин ва 2 та бронза медалини қўлга киритган.

Ўзбекистонлик оғир атлетикачилар эса, устма-уст Олимпиада рекордларини янгилашган.

Оғир атлетикачиларининг бу каби ютуқлари ортидан, Ўзбекистон Токио Олимпиадасида рекорд ўрната олган ягона Марказий Осиё давлати бўлган.

Бу жамоа Ўйинлар тарихида кўрсатган иккита энг яхши натижадан биттаси бўлган.

Умумжамоа ҳисобида Ўзбекистон совриндор 86 жамоа ичидан 32-ўринни эгаллаган.

Қолган бирор бир минтақа давлати Токио Олимпиадасининг олтин медалларини қўлга киритишга муваффақ бўлмаган.

Ўзбекистонлик олимпиадачилар Токиода эришган ютуқлари ортидан катта миқдордаги пул, пойтахт Тошкентдан уй-жой, қимматбаҳо машина ва дақлат мукофотлари билан тақдирланишган.

BBCUZBEK.COM билан Telegram орқали +44 7858860002 номери билан боғланинг.Telegram каналимиз: https://t.me/bbcuzbek