ЮНЕСКО: Ўзбекистон Бухоро шаҳридаги қурилишлар бўйича ваъдасини бузди - Eurasianet
ЮНЕСКО айтишича, Ўзбекистон ҳукумати Бухоро шаҳрининг тарихий қисмларига яқинликда бузиш ва қуриш ишларини олиб бормаслик ваъдасини бузган. Бу ҳақида eurasianet сайти хабар тарқатмоқда.
Алоқадор мавзулар:
Eurasianet га 21 мартда йўллаган электрон хатида халқаро аҳамиятга молик тарихий обидаларни асраш ваколатига эга Бирлашган миллатлар агентлигининг воизи ҳануз ўзбек ҳукуматидан бош режани олмаганини айтган.
"ЮНЕСКОга маълуми шуки, ишлар 2024 йил сентябрига қадар якунланиши керак", деб айтган агентлик.
Бухородаги бузиш ва қурилиш ишлари матбуот ва ижтимоий тармоқларда кенг муҳокамаларга сабаб бўлса-да, на мамлакат президенти Шавкат Мирзиёев, на унинг бу каби масалаларда изоҳ берувчи қизи Саида Мирзиёева муносабат билдиришган.
ЮНЕСКОга кўра, тарихий ҳудуд учун 2023-2028 йилларга мўлжалланган бошқарув режаси декабрда агентликка топширилган ва айни дамда уни ЮНЕСКОнинг Халқаро мерос қўмитаси ICOMOS ҳали кўриб чиқмоқда.
Eurasianet ёзишича, Ўзбекистон ҳукумати ваъдасининг қўпол бузилиши Бухоронинг тарихий қисмига чегарадош буфер ҳудудидаги биноларнинг ўтган ой йиқитилиши билан бошланган.
Биноларнинг бузилиши ҳукуматнинг "Боқий Бухоро" номли зиддиятли лойиҳасининг илк босқичи бўлмоқда. Унга кўра, 326 минг квадрат метрлик ҳудудда ўнлаб бинолар йиқитилади. Уларнинг ўрнига эса минглаб сайёҳларни сиғдирадиган кўп қаватли меҳмонхоналар барпо этилиши режаланган.
ЮНЕСКО eurasianet га бу лойиҳага аниқлик киритишни сўраб ўзбек ҳукуматига 8 февралда хат йўллаганини билдирган.
"Ҳали ҳам жавоб келмади", дейилади агентликнинг сайтга мактубида.
Марказий Осиёдаги меъморчилик обидаларини ҳимоя қилувчи Alerte Héritage ноҳукумат ташкилоти "Боқий Бухоро" лойиҳасини энг кўп танқид қилаётган гуруҳлардан бири бўлмоқда.
Фейсбукда ўтган ой чоп этган баёнотида ташкилот, хусусан, шундай дейди: "Халққа ошкор қилинган бу ягона лойиҳа барча жиҳатлари билан, авваламбор, ғояси билан фожиалидир. Марказий Осиёнинг Ўрта асрлардан бери асраб қолинган шаҳри ёнида "эскичасига" дейиладиган ясама саҳна қурилади. Бу каби қалбакилик Лас-Вегас ё Макаода қизиқ кўриниши мумкин. Аммо Бухоронинг тарихий негизига қўшничиликда ясама "Шарқ" шаҳарликларни бездирадиган ва сайёҳларни қўрқитадиган олабўжининг ролини ўйнайди."
Бухоро ўз мақоми билан тезкор ўзгаришларга қарши ҳимоя қилинган. У ЮНЕСКОнинг халқаро мерос обидалари рўйхатига 1993 йилда киритилган. Eurasianet ёзишича, расмийлар аксари Совет давридан қолган инфратизилма сайёҳлар учун яхшиланиши кераклигини айтганлар.
https://t.me/bbcuzbek
BBC.COM/UZBEK
Telegramda bog'lanish raqami +44 7858860002
