Орадан кун ўтди, Толибон Кобулга қандай ўрнашмоқда - фоторепортаж Afg‘oniston Tolibon dunyo yangiliklar
Толибон Афғонистон пойтахтига якшанба куни кириб келган. Деярли ҳеч бир қаршиликка учрамаган. Президент саройини эгаллаган. Ғани бундан аввалроқ қочган. Дастлаб унинг Тожикистонга кетгани айтилган. Кейин Ўзбекистонда эканига оид хабарлар пайдо бўлган. Аммо буни ҳеч бир томон тасдиқламаган. Суратлар эса, кеча, душанба куни олинган.
Би-би-си мухбири Малик Мудассирнинг айтишича, Кобул марказида ҳаёт нисбатан осойишта.
Машиналар сийрак, тирбандлик кам, аксарият дўконлар ёпиқ. Аммо одамлар анча хотиржам кўринади.
Аммо, мухбиримизга кўра, Кобул халқаро аэропортидаги вазият буткул бошқача - фожеий...
Ҳозир Кобул халқаро аэропортида 2500 АҚШ ҳарбийси бор. Пентагон вакили Жон Кирбининг айтишича, бу ерга яна қўшимча 500 аскар сафарбар этишган.
АҚШ қўшинлари аэропортда тартиб ўрнатиш ҳаракатида. Пентагон бир муддат парвозларни тўхтатган.
Ижтимоий тармоқларда жон аччиғидаги одамларнинг тасвирлари пайдо бўлган. Уларнинг учишга ҳозирлик кўраётган АҚШ ҳарбий самолётига ёпишиб олишгани кўрилган.
Бунинг ортидан, одамлар ўлганига оид хабарлар ҳам олинди.
Washington Post нашри эса, АҚШ юк самолётида одамларнинг қолдиқлари топилгани ҳақида ёзган.
Бу юк самолётининг душанба куни Кобулдан учгани айтилади.
Amnesty International халқаро ҳамжамиятга даъват билан чиқди.
Уларни янги фожеаларга йўл қўймаслик учун қатъий ҳаракат қилишга чақирди.
"Биз Афғонистонда гувоҳ бўлаётган воқеа - бу фожеа, уни олдиндан кўриш ва олдини олиш керак эди", - деди ташкилот Бош котиби Агнес Калламард.
Барча суратлар муаллифлик ҳуқуқи билан ҳимояланган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek