Фото: Қироличани хотирлаш учун Британия бўйлаб минглаб одамлар йиғилмоқда
Қиролича ўлими ҳақида янгиликни эшитар экан, кўплаб одамлар унинг хотирасига ҳурмат бажо келтиришмоқда. У яшаган уй, қароргоҳ ва саройларга гуллар келтиришмоқда.
Букингем саройи дарвозаси остига минглаб одамлар гуллар қўйишмоқда. Қироллик уйида ярим туширилган байроқни суратга олишмоқда.
Дарвозага эса қолипга солинган эълон осилди - унда Қиролича Елизавета Иккинчининг вафоти ҳақида ёзилган.
Қиролича Шотландиядаги Балморал қароргоҳида вафот этди. Ёмғирга қарамасдан одамлар бу ерга ҳам гуллар келтиришмоқда.
Виндзор қалъаси Қиролича севган қароргоҳлардан бири эди. Маҳаллий аҳоли Қироличани ўз қўшниси каби кўрган.
Лондондаги стадионда "Вест Ҳэм Юнайтед" ва Руминиянинг ФКСБ клуби ўртасидаги ўйин бир дақиқа сукут сақлаш билан бошланди.
Эдинбургда жойлашган Қиролича қароргоҳларидан бирига ҳам одамлар гуллар келтиришмоқда.
Лондоннинг Пикадилли-сиркус майдонидаги реклама саҳнида Қиролича сурати намоён бўлди.