TV
༢༡:༣༠ - ༢༢:༣༠
ཀུན་གླེང་། ༢༠༢༢ ལོའི་ཟླ་༥ ཚེས་༡༨
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་དམིགས་བསལ་བོད་དོན་འབྲེལ་མཐུད་པ་བཞུགས་སྒར་དུ་སླེབས་པ་དང་། རྒྱ་གར་དང་བལ་ཡུལ་དུ་གནས་བརྟན་པའི་ལུགས་ཀྱི་ས་ག་ཟླ་བ་སྲུང་བརྩི་བྱས་པ། ༧གོང་ས་མཆོག་དུས་འཁོར་སྒྲུབ་མཆོད་ཀྱི་ཚོགས་མགོན་དུ་ཕེབས་པ། པཎ་ཆེན་རིན་པོ་ཆེ་བཙན་ཁྲིད་ཉིན་མོ་སྲུང་བརྩི། ཡུག་ཀེ་རན་སོགས་ཡོད། ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་སུ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་ཨ་ཛི་རཱ་ ཛེ་ཡ་ལགས་བཞུགས་སྒར་དྷ་རམ་ས་ལར་འཚམས་གཟིགས་སུ་ཕེབས་པའི་གལ་གནད་ཐད་བཅར་འདྲི་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་མི་མང་སྤྱི་ཟུར་གདོང་འདུས་སྐྱིད་འཛོམས་ལགས་ལ་འོས་བསྡུའི་དྲིལ་བསྒྲགས་སྤེལ་བའི་ཉམས་མྱོང་དང་དཀའ་ངལ་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།